भारतातील या 5 ठिकाणांच्या वरून विमान उडवण्यास बंदी, कारण…
No Flying Zone : भारतात 5 नो-फ्लाय झोन आहे. हे असे ठिकाण आहे जिथे सुरक्षा, सरकारी काम, धार्मिक स्थळे किंवा वैज्ञानिक कारणांमुळे विमानांना उड्डाण करण्याची परवानगी नाही. याबाबत सविस्तर माहिती जाणून घेऊयात.
राष्ट्रपती भवन : राष्ट्रपती भवनाच्या वरचा संपूर्ण परिसर नो-फ्लाय झोन आहे. तेथे कोणतेही विमान, हेलिकॉप्टर किंवा ड्रोन उडवण्यास परवानगी नाही. सुरक्षेसाठी हा निर्णय घेण्यात आलेला आहे.
पंतप्रधान निवासस्थान : पंतप्रधानांचे घर देखील नो-फ्लाय झोनमध्ये येते. या ठिकाणाच्या 5 ते 7 किलोमीटरच्या परिघात विमाने उडवण्यास परवानगी नाही. सुरक्षेच्या कारणास्तव हा निर्णय घेण्यात आलेला आहे.
संसद भवन : संसद भवन देखील नो-फ्लाय झोनमध्ये येते. लोकप्रतिनिधी, सरकारी कागदपत्रे आणि अधिकाऱ्यांच्या सुरक्षेसाठी हा निर्णय घेण्यात आलेला आहे.
तिरुमला वेंकटेश्वर मंदिर : तिरुमला वेंकटेश्वर मंदिरात दररोज लाखो भाविक येतात. त्यामुळे मंदिर संकुलाच्या सुरक्षेसाठी हा भाग नो-फ्लाय झोन घोषित करण्यात आला आहे. त्यामुळे या ठिकाणी विमान, हेलिकॉप्टर किंवा ड्रोन उडवण्यास परवानगी नाही.
ताजमहाल : ताजमहालच्या वर देखील नो-फ्लाय झोन आहे. सुमारे 7 किलोमीटरच्या परिघात कोणतेही विमान, हेलिकॉप्टर किंवा ड्रोन उडवण्यास परवानगी नाही.
