Amruta Fadanvis : अमृता फडणवीस यांचं शिक्षण माहीत आहे का ? या टॉप संस्थेमध्ये शिकल्या
मुख्यमंत्री देवेंद्र फडणवीस, एवढीच अमृता फडणवीस यांची ओळख नाही. एका राजकारण्याची पत्नी एवढीच ओळख मर्यादित न ठेवता, त्यांनी त्यांच्या कारकिर्दीत अनेक क्षेत्रात आपली छाप सोडली आहे. त्या यशस्वी बँकर तर आहेतच, त्याशिवाय अभिनेत्री, गायिका आणि सामाजिक कार्यकर्त्या म्हणून देखील सक्रिय असतात.
मीडिया रिपोर्ट्सनुसार, अमृता फडणवीस यांचा संगीत क्षेत्रातही चांगला प्रभाव आहे. त्यांनी शास्त्रीय गायनाचे प्रशिक्षण घेतले आहे आणि 'संघर्ष यात्रा' या मराठी चित्रपटातून त्यांच्या गायन कारकिर्दीची सुरुवात केली.
अमृता फडणवीस केवळ सौंदर्य आणि करिअरच्या बाबतीतच नव्हे तर शिक्षणातही खूप तेजस्वी होत्या. त्यांनी सुरुवातीचे शिक्षण नागपूरच्या सेंट जोसेफ कॉन्व्हेंट स्कूलमधून पूर्ण केले.
त्यानंतर त्यांनी नागपूरच्या जी.एस. कॉलेज ऑफ कॉमर्स अँड इकॉनॉमिक्समधून बॅचलर पदवी मिळवली. फायनान्समध्ये एमबीए केल्यानंतर अमृता फडणवीस यांनी पुण्यातील सिम्बायोसिस लॉ स्कूलमधून टॅक्सेशन लॉचा अभ्यास केला.
अमृता फडणवीस केवळ त्यांच्या करिअर आणि अभ्यासातच सक्रिय नसतात, तर त्यांना सामाजिक आणि सांस्कृतिक उपक्रमांमध्येही खूप रस असतो. त्या सतत कार्यरत असतात.
अमृता फडणवीस या अनेक सामाजिक मोहिमांमध्ये भाग घेतात, तसेच महिला आणि मुलांच्या कल्याणासाठी काम करत असतात. एवढंच नव्हे तर त्या संगीत आणि कला क्षेत्रातील नवीन प्रतिभांना प्रोत्साहन देण्यासाठी देखील काम करत असतात.
