Health Tips : टूथब्रश आणि टंग क्लीनर किती दिवसांनी बदलावेत ? वर्षभर वापरणाऱ्यांनो आजच बदला सवय, नाहीतर आजार..
टूथब्रश आणि जीभ स्वच्छ करणारे टंग क्लीनर हे दीर्घकाळ वापरल्याने बॅक्टेरियाची वाढ होऊ शकते, त्यामुळे तोंडाच्या चांगल्या आरोग्यासाठी ते वेळेवर बदलणे महत्वाचे असतं.
जुना टूथब्रश आणि जीभ क्लीनर कधी बदलावे ? : जुना टूथब्रश आणि जीभ क्लीनर हे तोंडाच्या स्वच्छतेसाठी हानिकारक असू शकतात. चांगल ओरल हेल्थ हवं असेल तर या दोन्ही गोष्टी वेळेवर बदलणे खूप महत्वाचे आहे.
तुमचा टूथब्रश किती वेळा बदलावा ?: दंत तज्ञांच्या मते, सुमारे 3 महिन्यांनी टूथब्रश बदलला पाहिजे. दीर्घकाळ वापरल्याने ब्रशचे ब्रिसल्स सैल होऊ शकतात.
जुन्या झालेल्या ब्रशचे धोके: एकच ब्रश खूप काळ वापरला त्यामध्ये, जुन्या ब्रशमध्ये बॅक्टेरिया वाढू शकतात, ज्यामुळे कॅव्हिटी , हिरड्यांचे आजार आणि तोंडाची दुर्गंधी येण्याचा धोका वाढू शकतो.
आजारानंतर नवीन टूथब्रश का? : फ्लू, विषाणू किंवा इतर संसर्ग झाल्यानंतर लगेचच नवीन टूथब्रश वापरायला घ्या. कारण जुन्या ब्रशमधील जंतू तुम्हाला पुन्हा आजारी बनवू शकतात.
जीभ स्वच्छ करण्याचे महत्त्व : जिभेवर जमा झालेले बॅक्टेरिया काढून टाकण्यासाठी जीभ स्वच्छ करणे, त्यासाठी टंग क्लीनर वापरणं आवश्यक आहे. नियमित स्वच्छता केल्याने तोंडाची दुर्गंधी आणि संसर्ग कमी होतो.
टंग क्लीनर कधी बदलायचं ? : प्लास्टिक टंग क्लीनर असेल तर ते दर 2 ते 3 महिन्यांनी बदला, स्टील/तांब्यांचे क्लिनर असेल तर ते दररोज स्वच्छ करा. गंज लागल्याचा दिसलं किंवा खराब झालं असेल तर लगेच बदला.
आरोग्यावर होणारे परिणाम : जुने ब्रश आणि घाणेरडे टंग क्लीनर हे, हिरड्यांचे आजार, तोंडाची दुर्गंधी आणि शरीरात बॅक्टेरिया पसरण्याचा धोका वाढवतात.
लक्षात ठेवण्यासारख्या गोष्टी: दर 3महिन्यांनी तुमचा टूथब्रश बदला, आजारपणानंतर नवीन ब्रश घ्या, तुमचा टंग क्लीनर नियमितपणे स्वच्छ करा आणि जर तो खराब झाला असेल तर तो लगेच बदला.
