Mazhi Tuzhi Reshimgaath: आता ‘माझी तुझी लग्नगाठ’; मालिकेत यश-नेहाचा लग्न विशेष सप्ताह
यशवर्धन चौधरीचं लग्न असल्यामुळे या सोहळ्याचा थाटदेखील तेवढाच मोठा असणार आहे आणि तितकेच कार्यक्रम देखील दिमाखदार असणार आहेत. या आठवड्यात प्रेक्षकांना यश आणि नेहाचा साखरपुडा, यशची बॅचलर पार्टी, मेहंदी, हळद, संगीत पाहायला मिळेल.
झी मराठी वाहिनीवरील 'माझी तुझी रेशीमगाठ' या लोकप्रिय मालिकेने प्रेक्षकांच्या मनात घर केलं आहे. या मालिकेतील यश नेहाची जोडी आणि परीचा निरागस अभिनय प्रेक्षकांच्या मनाला भावतो.
नुकतंच प्रेक्षकांनी मालिकेत पाहिलं सगळे गैरसमज दूर झाल्यावर आजोबांनी यश आणि नेहाच्या लग्नाला परवानगी दिली आहे आणि आता मालिकेत प्रेक्षक यश नेहाचा लग्न सोहळा लवकरच पाहू शकतील.
यश परीचे नेहासोबतचे आणि साहजिकच त्याच्यासोबत असलेले नाते आजोबांना सांगतो. काही वेळासाठी सगळं काही संपत का काय, अशी भावना सर्वांच्याच मनात येते. पण सुज्ञ विचारांनी आजोबा या नात्याचा स्वीकार करतात आणि पणती म्हणून परीचाही स्वीकार करतात. यानंतर यश आणि नेहाचा साखरपुडा ठरतो.
यशवर्धन चौधरीचं लग्न असल्यामुळे या सोहळ्याचा थाटदेखील तेवढाच मोठा असणार आहे आणि तितकेच कार्यक्रम देखील दिमाखदार असणार आहेत. या आठवड्यात प्रेक्षकांना यश आणि नेहाचा साखरपुडा, यशची बॅचलर पार्टी, मेहंदी, हळद, संगीत पाहायला मिळेल.
या सगळ्या कार्यक्रमांमध्ये खूप रंजक वळणंदेखील प्रेक्षकांना पाहायला मिळतील. यश आणि नेहाच्या साखरपुड्यामध्ये यशाच्या हातात एक नाही तर चक्क 2 अंगठ्या आहेत. यामध्ये काय ट्विस्ट आहे हेसुद्धा प्रेक्षकांना मालिकेच्या आगामी भागात पहायला मिळेल.
माझी तुझी रेशीमगाठ ही मालिका सोमवार ते शनिवार रात्री 8.30 वाजता झी मराठी वाहिनीवर प्रेक्षकांच्या भेटीला येते.