महिलांच्या आरोग्यास अत्यंत लाभदायक आहे मोरिंगा पावडर, कसं कराल सेवन
मोरिंगा (शेवगा) पावडरचे महिलांसाठी अनेक फायदे आहेत. पावडरमध्ये भरपूर जीवनसत्त्वे आणि खनिजे असल्याने रोगप्रतिकारशक्ती मजबूत होण्यास मदत होते. शिवाय इतर देखील अनेक फायदे महिलांसाठी आहे. पण डॉक्टरांचा सल्ला घेतल्या शिवाय कोणतेच प्रयोग करु नका... जाणून घ्या काय आहे फायदे...
रक्तातील हीमोग्लोबिन वाढवते. मोरिंगामध्ये लोहाचे प्रमाण जास्त असल्यामुळे रक्ताल्पता टाळण्यास मदत होते. यात व्हिटॅमिन B, कॅल्शियम आणि प्रोटीन मुबलक असल्याने थकवा कमी होतो व शरीराला नैसर्गिक ऊर्जा मिळते.
मोरिंगा पावडरमधील अँटिऑक्सिडंट्स त्वचेचा तेज वाढवतात आणि केस गळणे कमी करतात. हे पचन सुधारते आणि चरबीचे प्रमाण कमी करण्यास सहाय्य करते.
महिलांमधील हार्मोनल असंतुलन कमी करून मासिक पाळीतील त्रास कमी करते. गर्भवती व स्तनपान करणाऱ्या महिलांसाठी लाभदायक आहे. यात असलेले कॅल्शियम, लोह व प्रोटीन गर्भवती आणि स्तनपान करणाऱ्या महिलांना पोषण देतात.
मोरिंगा पावडरमधील अँटिऑक्सिडंट्स ताण कमी करून मन प्रसन्न ठेवण्यास मदत करतात. कोमट पाण्यात किंवा दुधात मिसळून सकाळी रिकाम्या पोटी तुम्ही पावडर घेऊ शकता. स्मूदी, ज्यूस, सूप किंवा डाळीच्या पदार्थांमध्येही मिसळून घेऊ शकता.
गर्भवती महिलांनी सर्वात आधी डॉक्टरांचा सल्ला घेऊनच सेवन करावे. जर तुम्हाला लो ब्लड प्रेशर, थायरॉईड, किंवा औषधं चालू असतील, तर डॉक्टरांचा सल्ला आवश्यक आहे. प्रमाणापेक्षा जास्त घेतल्यास पोटदुखी, मळमळ, किंवा जुलाब होऊ शकतात.
