पार्टी असो वा सण, अंबानींच्या घरातील तीन कडक नियम, जे प्रत्येकाला पाळावेच लागतात
अंबानींच्या घरात पार्टी असो वा सण, प्रत्येकाला या ३ कडक नियमांचे पालन करावेच लागते; श्रीमंतीच्या शिखरावर असूनही मुकेश अंबानींनी जपलेली ही शिस्त नेमकी काय आहे, जाणून घ्या.
रिलायन्स इंडस्ट्रीजचे सर्वेसर्वा मुकेश अंबानी आणि त्यांचे कुटुंब त्यांच्या अलिशान अँटिलिया निवासस्थानामुळे नेहमीच चर्चेत असते. अंबानींचे २७ मजली हे घर जगातील सर्वात महागड्या घरांपैकी एक मानले जाते.
मात्र, या भव्य महालात राहण्यासाठी आणि तिथे वावरण्यासाठी काही कडक नियम बनवले आहेत. यातील सर्वात महत्त्वाचा नियम म्हणजे अंबानींच्या घरात मांसाहारी जेवण, मद्यपान आणि बाहेरच्या अन्नावर कायमची बंदी आहे.
मुकेश अंबानी हे जगातील श्रीमंत व्यक्तींच्या यादीत वरच्या क्रमांकावर असले, तरी त्यांचे राहणीमान अत्यंत साधे आणि पारंपारिक आहे. अंबानी कुटुंबात केवळ शुद्ध शाकाहारी अन्नाचे सेवन केले जाते.
विशेष म्हणजे, अंबानींच्या घरात बाहेरून तयार केलेले अन्न मागवण्यासही मनाई आहे. अंबानी कुटुंब कोणत्याही हॉटेलचे जेवण वा इतर कोणतेही खाद्यपदार्थ खात नाही.
अँटिलियाच्या स्वयंपाकघरात तयार झालेले ताजे आणि सात्त्विक अन्नच सर्व सदस्य खातात. आरोग्याच्या दृष्टीने आणि शिस्तीचा भाग म्हणून हा निर्णय घेण्यात आला आहे. केवळ मांसाहारच नव्हे, तर अँटिलियामध्ये मद्यपानावरही बंदी आहे.
मुकेश अंबानी यांनी स्वतः कधीही मद्यपान केलेले नाही. हा नियम केवळ घरच्या सदस्यांसाठीच नाही, तर तिथे येणाऱ्या पाहुण्यांसाठी आणि काम करणाऱ्या ६०० कर्मचाऱ्यांसाठीही लागू आहे. त्यांच्या घरी होणाऱ्या मोठ्या पार्ट्यांमध्येही सात्त्विक पदार्थांचीच रेलचेल असते.
अंबानींच्या घरातील कर्मचारी सांगतात की, मुकेश अंबानींना घरचे साधे जेवण, विशेषतः डाळ-भात आणि चपाती-भाजी अत्यंत आवडते. परदेश दौऱ्यावर असतानाही ते शाकाहारी हॉटेल शोधण्यालाच प्राधान्य देतात.
थोडक्यात सांगायचे तर, गडगंज संपत्ती असूनही साधे राहणीमान आणि घरगुती संस्कारांना दिलेले महत्त्व हेच अंबानींच्या या कडक नियमांचे मुख्य कारण आहे.
