बिकिनीमधील फोटोंवरून ट्रोल करणाऱ्यांना आरती सिंहने दिलं कडक उत्तर, म्हणाली ‘माझं शरीर…’
गुलाबी रंगाच्या बिकिनीवरून ट्रोल करणाऱ्या नेटकऱ्यांना आरती सिंहने दिलं जबरदस्त उत्तर. शेफालीची आठवण काढत म्हणाली...
टीव्ही अभिनेत्री आरती सिंह सध्या तिच्या वैयक्तिक आयुष्यामुळे चर्चेत आली आहे. लग्नानंतर ती पती दीपक चौहानसोबत थायलंडमध्ये सुट्ट्यांचा आनंद घेत असून, तेथील फोटो आणि व्हिडिओ ती सातत्याने सोशल मीडियावर शेअर करत आहे.
मात्र, यावेळी तिच्या एका पोस्टमुळे मोठा वाद निर्माण झाला आहे. आरती सिंहने अलीकडेच इंस्टाग्रामवर बिकिनीमधील काही फोटो शेअर केले होते. या फोटोंवरून काही सोशल मीडिया यूजर्सनी तिला ट्रोल करण्यास सुरुवात केली.
नकारात्मक कमेंट्स आणि टीकेमुळे आरतीने सुरुवातीला हे फोटो डिलीट केले होते. पण त्यानंतर तिने पुन्हा एकदा गुलाबी बिकिनीमधील फोटो शेअर करत ट्रोलर्सना ठाम शब्दांत उत्तर दिले.
तिने आपल्या पोस्टमध्ये लिहिले की, 'माझं आयुष्य, माझे नियम. माझं शरीर आहे आणि कपडे घालण्याचा निर्णयही माझाच असेल. आपण सतत विचार करतो की लोक काय म्हणतील, पण एक दिवस असा येतो की आपल्याला जाणवतं आपल्याला जे मनापासून करायचं होतं, तेच करायला हवं होतं. ज्यांच्याबद्दल आपण विचार करतो ते आपल्याला ओळखतही नसतात.'
'मागील वेळी मी बिकिनीतील फोटो पोस्ट केले तेव्हा काही लोकांनी मला अनफॉलो केले. त्याचा माझ्यावर परिणाम झाला आणि मी फोटो डिलीट केले. पण काही दिवसांनी माझी जिवलग मैत्रीण शेफाली जरीवाला हिचं निधन झालं. तेव्हा मला जाणवलं की आयुष्य किती अनिश्चित आहे. आपण जे आपल्याला खरंच आनंद देतं, ते का करू नये?'
तिने ट्रोलर्सना उद्देशून स्पष्ट शब्दांत म्हटले, 'मी कोणालाही दुखावत नाही. तुम्हाला माझे फोटो आवडत नसतील तर तुम्ही मला अनफॉलो करू शकता. कमेंटमध्ये काहीही लिहिलं तरी त्यातून तुमचे संस्कार दिसतात. माझ्या कपड्यांमुळे नाही. जे लोक मला खरोखर प्रेम करतात ते मला जशी आहे तशी स्वीकारतील.
