Nana Patekar : क्रिकेट विश्वालाही रडवून गेले नाना पाटेकर; सचिन तेंडुलकर, विराट कोहली यांची हृदयस्पर्शी पोस्ट
ज्येष्ठ अभिनेते नाना पाटेकर यांच्या निधनाने चित्रपटसृष्टीसोबत क्रिकेट विश्वातही शोककळा पसरली आहे. विराट कोहलीने नाना पाटेकर यांना भारतीय सिनेमातील खरे दिग्गज म्हणत श्रद्धांजली वाहिली, तर सचिन तेंडुलकरने त्यांना स्पष्टवक्ते आणि जमिनीशी जोडलेला माणूस म्हणून आठवलं. दोन्ही क्रिकेट दिग्गजांनी नाना पाटेकर यांच्या कामाचं आणि व्यक्तिमत्त्वाचं कौतुक करत त्यांना अखेरचा सलाम केला.
जेष्ठ अभिनेते नाना पाटेकर यांच्या निधनाच्या बातमीने क्रिकेट विश्वातही शोककळा पसरली आहे. सचिन तेंडुलकर आणि विराट कोहली यांनी सोशल मीडियावर पोस्ट करत नाना पाटेकर यांना श्रद्धांजली वाहिली. नाना पाटेकर हे विराट कोहली आणि सचिन तेंडुलकर यांचे चाहते होते. त्यांच्या निधनाची बातमी ऐकून दोन्ही क्रिकेटपटूंनी दुःख व्यक्त केले आहे.
विराट कोहलीने नाना पाटेकर यांना भारतीय सिनेमातील दिग्गज कलाकार असं संबोधलं आहे. नाना पाटेकर यांनी त्यांच्या अभिनयातून निर्माण केलेला ठसा आणि मागे ठेवलेला वारसा अनेक पिढ्या लक्षात ठेवतील, असं विराटने म्हटलं. त्याने नाना पाटेकर यांना श्रद्धांजली अर्पण करत ‘ओम शांती’ असं देखील लिहिलं.
सचिन तेंडुलकरनेही नाना पाटेकर यांच्या निधनावर दुःख व्यक्त केलं आहे. सचिन नाना यांना स्पष्टवक्ते आणि मातीशी जोडलेला माणूस असं म्हणत त्यांची आठवण काढली. ते आपलं काम नेहमी प्रामाणिकपणे करत असत, मग ते मराठी चित्रपट असो किंवा हिंदी असो. नाना पाटेकर कोणतीही भूमिका साकारताना त्यात पूर्णपणे रंगून जायचे. त्यामुळे त्यांनी साकारलेली पात्रं प्रेक्षकांना खरी वाटायची, असं देखील सचिनने म्हटलं.
विराट कोहली आणि सचिन तेंडुलकर हे दोघे क्रिकेटच्या वेगवेगळ्या काळात खेळले. मात्र, नाना पाटेकर या दोन्ही दिग्गज क्रिकेटपटूंच्या खेळाचे चाहते होते. आणि असे चाहते आज कायमचे आपल्यातून हरपले आहेत.
