लग्नाच्या 11 वर्षानंतरही ही अभिनेत्री झाली नाही आई, थेट सांगितलं कारण, ऐकून..
टीव्ही इंडस्ट्रीमधील प्रसिद्ध अभिनेत्री जी लग्नानंतर 11 वर्षे होऊन देखील झाली नाही आई. अभिनेत्रीने स्वत: सांगितलं आई न होण्यामागचं कारण.
टीव्ही इंडस्ट्रीमधील लोकप्रिय अभिनेत्री नारायणी शास्त्रीने आई न होण्याच्या तिच्या निर्णयामागचं कारण स्पष्ट करत मातृत्वाबाबत आपलं स्पष्ट मत मांडलं आहे.
नुकत्याच एका मुलाखतीत तिने सांगितलं की, केवळ मूल जन्माला घालण्यासाठी मूल होऊ देणं योग्य नाही. त्यापेक्षा योग्य संगोपनाची जबाबदारी स्वीकारता येत नसेल तर मूल न होणंच अधिक योग्य असल्याचं तिचं मत आहे.
नारायणीने 2015 मध्ये स्टीव्हन ग्रेवरसोबत गुपचूप लग्न केलं. लग्नानंतर अनेक वर्षे उलटूनही ती आई झालेली नाही. याबाबत बोलताना ती म्हणाली की, मुलांचं संगोपन ही अत्यंत मोठी जबाबदारी आहे. जर तिने मूल जन्माला घातलं तर त्याच्या संगोपनासाठी स्वतःने 24 तास त्याच्यासोबत राहावं अशी तिची इच्छा आहे.
तिने पुढे सांगितलं की, तिला तिचं अभिनयाचं काम खूप आवडतं आणि ती प्रत्येक काम 100 टक्के मनापासून करते. त्यामुळे करिअर आणि मुलाची जबाबदारी या दोन्ही गोष्टींमध्ये तडजोड करायची तिची इच्छा नाही.
मुलाच्या आयुष्याशी कोणतीही तडजोड होऊ नये, म्हणूनच आपण आई न होण्याचा निर्णय घेतल्याचं नारायणी शास्त्रीने स्पष्ट केलं.
