एकदम झक्कास, अस्सल मराठमोळं सौंदर्य, फोटोमधील ही अभिनेत्री कोण? जिच्या साडीमधील…
‘नवरा माझा नवसाचा 2’मधील मराठी अभिनेत्रीच्या गुलाबी रंगाच्या साडीमधील फोटोंनी वेधलं सर्वांचं लक्ष. सौंदर्य पाहून सर्वजण करत आहेत कौतुक. कोण आहे ती?
मराठी मनोरंजन विश्वातील लोकप्रिय अभिनेत्री आणि मॉडेल हेमल इंगळे आपल्या अभिनयासोबतच ग्लॅमरस आणि हटके लूकमुळेही चाहत्यांचे लक्ष वेधून घेत असते.
मराठी चित्रपट, नाटक आणि वेब सीरिजच्या माध्यमातून हेमलने मनोरंजन क्षेत्रात स्वतःची वेगळी ओळख निर्माण केली आहे. सचिन पिळगावकर दिग्दर्शित ‘नवरा माझा नवसाचा 2’ या चित्रपटातील तिच्या भूमिकेलाही प्रेक्षकांची चांगली पसंती मिळाली.
दरम्यान, हेमलने सोशल मीडियावर शेअर केलेल्या नव्या फोटोशूटची सध्या चांगलीच चर्चा रंगली आहे. या फोटोशूटमध्ये हेमलचा पारंपरिक साडीतील देखणा आणि मनमोहक अंदाज पाहायला मिळत आहे.
या खास लूकसाठी हेमलने गुलाबी रंगाची सुंदर साडी नेसली असून, त्यावर पांढऱ्या रंगाचा आकर्षक ब्लाऊज परिधान केला आहे. या फोटोशूटमध्ये तिने खास पोझ दिल्या आहेत. तिच्या या साध्या पण देखण्या लूकने चाहत्यांचे लक्ष वेधून घेतले आहे.
या फोटोंसोबत हेमलने “सुवर्णकाळाची पुनरावृत्ती…” असं खास कॅप्शन दिलं आहे. हेमलचे हे फोटो सोशल मीडियावर समोर येताच चाहत्यांनी कमेंट्सचा वर्षाव केला आहे.
