पवार कुटुंबातील बिग फॅट वेडिंग, श्रीनिवास पवारांच्या कन्येचा बंगळुरुतील उद्योजकाशी विवाह
श्रीनिवास पवार यांची कन्या मिथिला पवार यांचा विवाह बंगळुरुमधील उद्योगपती करण विरवाणी यांच्याशी झाला. या सोहळ्याला पवार कुटुंबातील अनेक सदस्य उपस्थित होते.
राष्ट्रवादीचे अध्यक्ष शरद पवार यांचा कुटुंब कबिला फार मोठा आहे. कुठल्याही सणवार किंवा कौटुंबिक सोहळ्याच्या निमित्ताने पवार कुटुंब जेव्हा एकत्र भेटतं, तेव्हा जल्लोष पाहायला मिळतो. या सोहळ्यांचे फोटो सोशल मीडियावर अनेकांचं लक्ष वेधून घेतात
पवार कुटुंबातील अशाच एका सोहळ्याचे फोटो राष्ट्रवादीच्या खासदार सुप्रिया सुळे यांनी शेअर केले आहेत. सुप्रिया सुळे यांची भाची म्हणजेच चुलत बंधू श्रीनिवास पवार यांची कन्या मिथिला पवार यांच्या विवाहाचे हे फोटो आहेत. सुळेंनी नवदाम्पत्याचे फोटो शेअर करत शुभाशीर्वाद दिले आहेत.
श्रीनिवास पवार यांची कन्या मिथिला पवार यांचा विवाह बंगळुरुमधील उद्योगपती करण विरवाणी यांच्याशी झाला. या सोहळ्याला पवार कुटुंबातील अनेक सदस्य उपस्थित होते.
उपमुख्यमंत्री अजित पवारही आपल्या सख्ख्या पुतणीच्या लग्नाला सपत्नीक हजर होते. सुप्रिया सुळे यांनी दादा अजित पवार आणि वहिनी सुनेत्रा पवार यांचा फोटो शेअर करत, आनंदी राहा, असं लिहिलं आहे.
मिथिला पवार आणि करण विरवाणी यांचा विवाह अतिशय मोजक्या लोकांच्या उपस्थितीत बंगळुरुमध्ये पार पडला.
राष्ट्रवादीचे अध्य़क्ष शरद पवार यांनीही लग्नाला उपस्थिती लावल्याची माहिती आहे
सर्व फोटो - सुप्रिया सुळे फेसबुक पेज
