पुण्याचे गोल्डमॅन प्रशांत सपकाळ राष्ट्रवादीत प्रवेश करणार आहेत.
भाजपला सोडचिठ्ठी दिलेल्या एकनाथ खडसेंसोबत गोल्डमॅन प्रशांत सपकाळ हे राष्ट्रवादी काँग्रेसमध्ये प्रवेश करणार आहेत. उद्या दुपारी 2 च्या मुहुर्तावर ते राष्ट्रवादीत प्रवेश करतील.
प्रशांत सपकाळ हे पुण्याचे सुप्रसिद्ध गोल्डमॅन आहेत. प्रशांत सपकाळ हे तब्बल पाच किलो म्हणजेच दीड कोटीपेक्षा जास्त सोने अंगावर घालतात. त्यामुळे पुण्यातील नवा गोल्डमॅन म्हणून प्रशांत यांची हवा झाली.
प्रशांत सपकाळ यांच्याकडे चेन, ब्रेसलेट, घड्याळ एव्हढंच नाही तर सोन्याची चप्पल आणि सोन्याचा बूटही आहे.
प्रशांत सपकाळ यांना लहानपणापासूनच सोन्याच्या दागिन्यांची आवड होती. मात्र प्रसिद्ध संगीतकार बप्पी लहरी यांना पाहिल्यानंतर त्यांची आवड आणखीनच वाढली. त्यातूनच पुण्यात नवा गोल्डमॅन उदयाला आला.
प्रशांत सपकाळ व्यवसायाने बिल्डर आहेत. बांधकाम व्यवसायातूनच आपली भरभराट झाल्याचं ते सांगतात. प्रशांतराव दाग-दागिन्यांनी अक्षरश: मढून गेलेत. पाच चेन, पेंडेंट, लॉकेट, ब्रेसलेट, घड्याळ अनेक अंगठ्या, शूज त्यांच्या अंगावर दिसतात.