Sudhir Mungantiwar : सुधीर मुनगंटीवार यांच्या ‘त्या’ विधानानं चंद्रपूर नगरपरिषद निवडणुकीवरून भाजपमध्ये अंतर्गत संघर्ष उफाळला

चंद्रपूरमधील नगरपरिषद निवडणुकीतील निकालांमुळे भाजपमध्ये अंतर्गत संघर्षाची ठिणगी पडली आहे. चंद्रपूर जिल्ह्यात 11 पैकी केवळ एक नगराध्यक्ष निवडून आल्याने भाजपमध्ये नाराजी वाढली आहे. या पराभवासाठी सुधीर मुनगंटीवार यांनी पक्षातील इनकमिंग म्हणजेच बाहेरून पक्षात आलेल्यांना जबाबदार धरले होते. मुनगंटीवार आणि बावनकुळे यांच्यासह इतर नेत्यांमध्ये शाब्दिक चकमकी झाल्याचेही समोर आले. या घडामोडींनंतर, भाजप नेते आशिष देशमुख यांनी मुनगंटीवारांना प्रश्न केला आहे की, “ते एकनाथ खडसेंच्या मार्गावर चालले आहेत का?” यावर मुनगंटीवारांनी हा विषय आता संपल्याचे सांगत, नेत्यांची भेटून चर्चा करणार असल्याचे स्पष्ट केले. त्यांनी आपला राज्यव्यापी दौराही रद्द केला आहे. पक्ष श्रेष्ठी मुनगंटीवारांच्या अनुभवाचा विचार करतील आणि त्यांच्यासोबत मुख्यमंत्री चर्चा करतील, असे काही नेत्यांनी म्हटले आहे. त्यांच्या मेहनतीची आणि कष्टाची जाणीव ठेवून सन्मानाची भावना ठेवायला पाहिजे, असेही मत व्यक्त झाले आहे.