Car Vastu : कारमध्ये सकारात्मक उर्जेसाठी कोणत्या गोष्टी असायला हव्यात? काय सांगते वास्तुशास्त्र वाचा
वास्तुशास्त्रात अनेक नियम सांगितले गेले आहे. कोणती दिशा कोणत्या तत्त्वाशी निगडीत आहे इथपासून ते रोजच्या वापरातल्या गोष्टीबाबत सांगितलं आहे. काही गोष्टी सकारात्मक परिणाम करत असतात. असंच वास्तुशास्त्र गाडीबाबतही सांगण्यात आलं आहे. चला जाणून घेऊयात कोणत्या वस्तू गाडीत सकारात्मक उर्जा निर्माण करतात.
कारमध्ये गणपती किंवा हनुमानाची मूर्ती छोटी मूर्ती असावी, असं वास्तुतज्ज्ञांचं म्हणणं आहे. गणपती विघ्नेश्वर असून प्रवासादरम्यान येणारे अडथळे दूर करतात.तर मारुतीरायाचं जिथे वास्तव्य तिथे नकारात्मक उर्जा नसते.
कासव हे दीर्घायुष्याचं प्रतिक आहे. त्यामुळे वाहनचालक आणि कुटुंबाचं दीर्घायुष्यासाठी गाडीत कासव ठेवावा. कारमध्ये काळ्या कासवाची मूर्ती ठेवल्याने वाहनधारकाच्या जीवनात सकारात्मक ऊर्जा वाढते, असे वास्तू तज्ज्ञ सांगतात.
कारच्या डॅश बोर्डवर क्रिस्टल्स लावणे शुभ मानलं गेलं आहे. वाहन जमिनीशी संबंधित असल्याने क्रिस्टल्सचे सकारात्मक परिणाम दिसून येतात.
कारमध्ये कायम पाण्याची बाटली ठेवावी. जल तत्व स्पष्टता आणि विचारांचं प्रतिनिधीत्व करते. पाणी इलेक्ट्रिक उपकरणांद्वारे पसरणारी नकारात्मक ऊर्जा दूर करते.
कारमध्ये तुटक्याफुटक्या वस्तू ठेवू नये. कारच्या खिडक्या, कार्पेट आणि सीट कायम स्वच्छ ठेवावीत. यामुळे गाडी चालवताना डोकं शांत राहतं आणि सकारात्मक उर्जेचा अनुभव होतो.
