दादर परिसरातील पुनर्विकास रखडलेल्या इमारतींमधील रहिवाशांनी मुख्यमंत्र्यांची घेतली भेट
मुंबईतील पुनर्विकास रखडलेल्या प्रकल्पांचा सर्वंकष आढावा घेऊन धोरण निश्चित करण्यात येईल,असे मुख्यमंत्री एकनाथ शिंदे यांनी यावेळी सांगितले.
दादर परिसरातील पुनर्विकास रखडलेल्या इमारतींमधील रहिवाशांच्या शिष्टमंडळाने आज मुख्यमंत्री एकनाथ संभाजी शिंदे यांची भेट घेतली.
बैठकीस आमदार सदा सरवणकर, गृहनिर्माण विभागाच्या प्रधान सचिव वल्सा नायर-सिंह, म्हाडाच्या मुंबई इमारत व पुनर्रचना मंडळाचे मुख्याधिकारी अरूण डोंगरे आदी उपस्थित होते.
मुंबईतील पुनर्विकास रखडलेल्या प्रकल्पांचा सर्वंकष आढावा घेऊन धोरण निश्चित करण्यात येईल,असे मुख्यमंत्री श्री. शिंदे यांनी यावेळी सांगितले.
विशेषतः दादर परिसरातील विकासकांमुळे रखडलेल्या ५६ प्रकल्पांबाबत नोडल अधिकारी तसेच आर्किटेक्ट नियुक्त करण्यात यावा, या प्रकल्पांचे रखडलेले काम मार्गी लावण्यासाठी क्लस्टर डेव्हलपमेंटसह विविध पर्याय तपासण्यात यावे.
प्रकल्प रखडविणाऱ्या आणि विस्थापित झालेल्या कुटुंबांना भाडे न देणाऱ्या विकासकांवर कारवाई करण्यात यावी, असे निर्देशही मुख्यमंत्र्यांनी यावेळी दिले.
