Photos : नातीच्या लग्नाची धामधूम! आजोबांना रहावेना, शरद पवार थेट व्हीलचेअरवर पोहोचले
Sharad Pawar : राष्ट्रवादी काँग्रेसचे ज्येष्ठ नेते शरद पवार यांनी नात रेवती सुळे यांच्या विवाहसोहळ्याला व्हीलचेअरवरून उपस्थिती लावली. याचे काही फोटो समोर आले आहेत.
राष्ट्रवादी शरदचंद्र पवार पक्षाचे सर्वेसर्वा शरद पवार यांच्या कन्या आणि खासदार सुप्रिया सुळे यांची मुलगी रेवती सुळे यांचा विवाहसोहळा आज पार पडत आहे.
रेवती सुळे आणि सारंग लखानी यांच्या लग्नाची धामधूम सुरू आहे. पाहुणे पोहोचले असून लगबग सुरू आहे. या लग्नाला शरद पवार यांनीही हजेरी लावली.
गेल्या काही काळापासून शरद पवार यांची तब्ब्येत तितकीशी बरी नाहीये. त्यामुळे आजच्या विवाहसोहळ्याला ते व्हीलचेअरवरून हजर झाले होते.
रेवती सुळे यांच्या लग्नातील काही फोटो आता समोर आले आहेत, यात शरद पवार हे व्हीलचेअरवरून विवाहस्थळी दाखल झाल्याचे समोर आले आहे.
रेवती सुळे या शरद पवार यांच्या नात आहेत. फेब्रुवारी महिन्यात त्यांच्या लग्नाची अधिकृत घोषणा सुप्रिया सुळे यांनी केली. रेवती आणि सांरग यांच्या लग्नाची जोरदार तयारी सुरू असून लग्नापूर्वीचे काही विधी, कार्यक्रम नुकतेच पार पडले. सोशल मीडियावर त्यांचे फोटो व्हायरल झाले होते.
