किंग कोहली अन् हिटमॅनही पडले मागे; अभिषेक शर्माने आंतरराष्ट्रीय क्रिकेटमध्ये केला मोठा धमाका!
अभिषेक शर्माने अफगाणिस्तानविरुद्ध अवघ्या 30 चेंडूत शतक ठोकून इतिहास रचला आहे. त्याने रोहित शर्माचा भारतासाठी सर्वात वेगवान टी20 शतकाचा विक्रम मोडीत काढला. इतकंच काय तर विराट कोहलीला मागे टाकलं आहे.
अभिषेक शर्माने अफगाणिस्तानविरुद्ध तुफानी शतक ठोकल्यानंतर अनेक विक्रम रचले आणि मोडीत काढले, याचसोबत तो रोहित शर्मा आणि विराट कोहलीसारख्या दिग्गजांनाही मागे टाकून पुढे गेला आहे. (Photo: PTI)
अभिषेक शर्माने टी20 क्रिकेटमध्ये 10 शतके ठोकली आहेत. याचसोबत अभिषेकने विराटपेक्षा अत्यंत कमी सामन्यांत 10 टी20 शतके झळकावली आहेत. अभिषेकने अवघ्या 205 डावांमध्ये 10 शतके झळकावली, तर विराटने हा पराक्रम 413 डावांमध्ये केला होता. (Photo: PTI)
अभिषेक शर्मा एका बाबतीत रोहित शर्मापेक्षाही खूप पुढे निघून गेला आहे. अभिषेकने अफगाणिस्तानविरुद्ध 94.44% धावा फक्त चौकार आणि षटकारांच्या मदतीने केल्या. त्याने 108 धावांपैकी 102 धावा बाउंड्रीवरून वसूल करत रोहितचा विक्रम मोडला. रोहितने 2017 मध्ये श्रीलंकेविरुद्ध 118 धावांपैकी 108 धावा बाउंड्रीने केल्या होत्या, म्हणजेच त्याने 91.53% धावा चौकार-षटकारांनी बनवल्या होत्या. (Photo: PTI)
अभिषेक शर्माने टी-20 मध्ये 10 शतके झळकावून विराट कोहलीच्या विक्रमाची बरोबरी केली आहे. मात्र विराटने 10 टी-20 शतके 413 डावांमध्ये केली होती, तर अभिषेकने ही कमाल अवघ्या 205 डावांमध्ये करून दाखवली. (Photo: PTI)
अभिषेक शर्मा हा भारताचा एकमेव असा फलंदाज ठरला आहे, ज्याने टी20 क्रिकेटमध्ये दोनदा विरोधी संघाच्या एकूण धावसंख्येपेक्षा जास्त धावा एकट्याने केल्या आहेत. अभिषेकने अफगाणिस्तानविरुद्ध 108 धावांची खेळी केली आणि अफगाणिस्तानचा संघ 94 धावांवर गारद झाला. यापूर्वी 2025 मध्ये त्याने इंग्लंडविरुद्ध 135 धावा केल्या होत्या आणि इंग्लंडचा संघ अवघ्या 97 धावांवर आटोपला होता. (Photo: PTI)
