Moises Henriques: ऑस्ट्रेलियन खेळाडूने देश सोडला आणि आता या संघाकडून आंतरराष्ट्रीय क्रिकेट खेळणार
ऑस्ट्रेलियाचा माजी क्रिकेटपटू मोइसेस हेनरिक याने आंतरराष्ट्रीय क्रिकेटमंध्ये पाय रोवण्यासाठी मोठा निर्णय घेतला आहे. आता पोर्तुगालसाठी आंतरराष्ट्रीय क्रिकेट खेळण्याचा निर्णय घेतला आहे. कसं काय ते सर्व जाणून घ्या.
ऑस्ट्रेलियाचा माजी क्रिकेटपटू मोइसेस हेनरीके याने पोर्तुगालसाठी क्रिकेट खेळण्याचा निर्णय घेतला आहे. सचिन, धोनी आणि सेहवाग असा संघ असताना त्याने ऑस्ट्रेलियाकडून पदार्पण केलं होतं. पण आता पोर्तुगालकडून खेळणार आहे. हेनरिके ऑगस्टमध्ये सब रिजनल पात्रता फेरीत पोर्तुगालकडून मैदानात उतरेल. (PC-GETTY IMAGES)
मोइसेस हेनरिके टी20 वर्ल्डकप पात्रता फेरीत पोर्तुगालकडून खेळेल. पोर्तुगालकडून खेळण्याचा निर्णय आश्चर्यकारक वाटत असला तरी त्या मागे कारण आहे. मोइसेस मुळचा पोर्तुगालचा आहे. त्याचा जन्मही तिथेच झाला होता. पण त्याचे आई वडील काही वर्षांपूर्वी ऑस्ट्रेलियात आले आणि येथेच हेनरिकेने क्रिकेटचे धडे गिरवले. (PC-GETTY IMAGES)
मोइसेस हेनरीकेने वर्ष 2009 मध्ये ऑस्ट्रेलियासाठी आंतरराष्ट्रीय क्रिकेटमध्ये डेब्यू केलं होतं. ऑस्ट्रेलियासाठी तो तिन्ही फॉर्मेटमध्ये खेळला. हेनरिकने ऑस्ट्रेलियासाठी 4 कसोटी, 16 वनडे आणि 24 टी20 सामने खेळला आहे. कसोटी आणि टी20 क्रिकेटमध्ये त्याने प्रत्येकी दोन अर्धशतकं ठोकली आहेत. (PC-GETTY IMAGES)
मोइसेस हेनरिके आयपीएल स्पर्धेतही खेळला आहे. पाच संघांकडून त्याला खेळण्याची संधी मिळाली आहे. पंजाब किंग्स, सनरायझर्स हैदराबाद, आरसीबी, दिल्ली कॅपिटल्स आणि केकेआरकडून खेळला आहे. हेनरिकेने 1000 धावा आणि 42 विकेट घेतल्या आहेत. (PC-GETTY IMAGES)
मोइसेस हेनरिके 2017 पासून गंभीर क्लिनिकल डिप्रेशनशी सामना करत होता. त्याने एका मुलाखतीत सांगितलं की, देशांतर्गत सामन्यानंतर कारमधून घरी परतत असताना खूप रडू आलं. त्यावेळेस गाडी खांब्याला ठोकावी असा विचार आला होता. पण सुदैवाने त्याने तसं केलं नाही. (PC-GETTY IMAGES)
