IPL 2026: आयपीएल स्पर्धेत साई सुदर्शनचा महारेकॉर्ड, या यादीत मिळवलं पहिलं स्थान
आयपीएल 2026 स्पर्धेत राजस्थान रॉयल्स आणि गुजरात टायटन्स हे संघ आमनेसामने आले होते. या सामन्यात राजस्थान रॉयल्सने 211 धावांचं लक्ष्य ठेवलं होतं. पण गुजरातचा संघ 6 धावांनी तोकडा पडला आणि पराभव झाला. या सामन्यातील साई सुदर्शनची खेळी मात्र चर्चेत राहिली.
आयपीएल 2026 स्पर्धेत राजस्थान रॉयल्सविरुद्धच्या सामन्यात साई सुदर्शनने जबरदस्त खेळी केली. दुखापतीमुळे शुबमन गिल या सामन्यात खेळला नाही. पण त्याची उणीव साई सुदर्शनने कुठेच भासू दिली नाही. त्याने धावांचा पाठलाग करताना वेगाने धावा केल्या. (PHOTO CREDIT- PTI)
राजस्थान रॉयल्सने विजयासाठी 211 धावांचं लक्ष्य ठेवलं होतं. या धावांचा पाठलाग करताना साई सुदर्शनने 44 चेंडूत 73 धावांची खेळी केली. त्याने या खेळीत 9 चौकार आणि 3 षटकार मारले. त्याचा स्ट्राईक रेट हा 165.90 चा होता. (PHOTO CREDIT- PTI)
साई सुदर्शनने 73 धावांची खेळी करताना एक मोठा विक्रम आपल्या नावावर केला आहे. त्याने सलामीवीर म्हणून आयपीएलमध्ये 100 धावा पूर्ण केल्या आहेत. आयपीएलमध्ये ओपनर म्हणून सर्वात कमी डावात 1000 धावांचा पल्ला गाठला आहे. (PHOTO CREDIT- PTI)
साई सुदर्शनने फक्त 20 डावात ही कामगिरी केली. त्याने लेंडल सिमंसचा विक्रम मोडीत काढला. कारण त्याने हा पल्ला 23 डावात पूर्ण केला होता. त्याच्या तुलनेत साई सुदर्शनने 3 डाव कमी खेळला आहे. (PHOTO CREDIT- PTI)
साई सुदर्शनने शुबमन गिलच्या गैरहजेरीत संघाला चांगली सुरूवात करून दिली. त्याने पहिल्या विकेटसाठी 78 धावांची भागीदारी केली. त्यामुळे राजस्थान रॉयल्सचे गोलंदाज पुरते हतबल झाले होते. (PHOTO CREDIT- PTI)
