IPL 2026 स्पर्धेत 135 धावा करताच महेंद्रसिंह धोनी रचणार विक्रम, विराट-रोहितच्या पंगतीत स्थान
आयपीएल 2026 स्पर्धेला 28 मार्चपासून सुरुवात होणार आहे. चेन्नई सुपर किंग्सच्या चाहत्यांना पुन्हा एकदा महेंद्रसिंह धोनीला खेळताना पाहता येणार आहे. असं असताना महेंद्रसिंह धोनीकडे एक मोठा विक्रम रचण्याची संधी आहे.
आयपीएल स्पर्धेच्या इतिहासात पहिल्या पर्वापासून महेंद्रसिंह धोनी खेळत आहे. आता त्याच्या आयपीएल कारकिर्दीतलं हे 19वं पर्व असणार आहे. या पर्वात त्याच्याकडे एक मोठा विक्रम रचण्याची संधी आहे. (Photo- BCCI/IPL)
आयपीएलच्या इतिहासात नऊ खेळाडूंनी 5 हजारांच्या वर धावा केल्या आहेत. यात विराट कोहली, रोहित शर्मा आणि महेंद्रसिंह धोनीचं नाव आहे. पण आता महेंद्रसिंह धोनीकडे विराट कोहली आणि रोहित शर्माच्या पंगतीत बसण्याची संधी आहे. (Photo- BCCI/IPL)
महेंद्रसिंग धोनीने आयपीएलमधील 278 सामन्याती 242 डावांमध्ये 5439 धावा केल्या आहेत. धोनी आयपीएलमधील सहावा सर्वाधिक धावा करणारा फलंदाज आहे. विराट कोहली, रोहित शर्मा, शिखर धवन, डेव्हिड वॉर्नर आणि सुरेश रैना या सर्वांनी धोनीपेक्षा जास्त धावा केल्या आहेत. (Photo- BCCI/IPL)
महेंद्रसिंह धोनीने धोनीने चेन्नई सुपर किंग्ससाठी 4865 धावा केल्या आहेत. या हंगामात 135 धावा करून आयपीएलच्या इतिहासात एकाच फ्रँचायझीसाठी 5 हजार किंवा त्याहून अधिक धावा करणारा केवळ तिसरा खेळाडू ठरू शकतो. (Photo- BCCI/IPL)
महेंद्रसिंग धोनी आतापर्यंत आयपीएलमध्ये दोन फ्रँचायझींसाठी खेळला आहे. चेन्नई सुपर किंग्स आणि रायझिंग पुणे सुपरजायंट या दोन संघासाठी खेळला. धोनीने चेन्नईसाठी 4865 धावा, तर रायझिंग पुणे सुपरजायंटसाठी 2016 ते 2017 दरम्यान 30 सामन्यांमध्ये 574 धावा केल्या. (Photo- BCCI/IPL)
