IPL 2025 : अनसोल्ड शार्दुल ठाकुरची कमाल, दुसऱ्या सामन्यात घेतली मानाची ‘पर्पल कॅप’
सनरायझर्स हैदराबादविरुद्ध शार्दुल ठाकूरने भेदक गोलंदाजीचं दर्शन घडवलं. त्याने चार षटकांत 34 धावा देत 4 बळी घेतले. यासह या पर्वातील नंबर 1 गोलंदाजही ठरला आहे. त्याला पर्पल कॅपने सन्मानित करण्यात आले आहे. विशेष म्हणजे मेगा लिलावात त्याला कोणत्याही संघाने खरेदी केले नाही.
आयपीएल 2025 चा सातवा सामना सनरायझर्स हैदराबाद आणि लखनौ सुपर जायंट्स यांच्यात खेळला गेला. या सामन्यात लखनौकडून खेळणाऱ्या शार्दुल ठाकूरने यजमान हैदराबादविरुद्ध कहर केला. (Photo- PTI)
या सामन्यात शार्दुलने 4 षटकांत 34 धावा देत 4 बळी घेतले आणि हैदराबादला बॅकफूटवर ढकललं. या विकेटसह हंगामातील नंबर1 गोलंदाजही बनला आहे. त्याला पर्पल कॅपने सन्मानित करण्यात आले आहे. (Photo- LSG Twitter)
आतापर्यंत खेळल्या गेलेल्या सामन्यांमध्ये शार्दुल ठाकूरने सर्वाधिक विकेट्स घेतल्या आहेत. त्याने 2 सामन्यात 6 विकेट्स घेतल्या आहेत. दुसरीकडे, शार्दुल ठाकूरने आयपीएलमध्ये 97 सामन्यांमध्ये 100 विकेट्स पूर्ण केल्या आहेत.(Photo- LSG Twitter)
पहिल्या सामन्यात दिल्ली कॅपिटल्सविरुद्ध 2 विकेट घेतलेल्या. हैदराबादविरुद्ध पॉवरप्लेमध्येच अभिषेक शर्मा आणि इशान किशन सारख्या आक्रमक फलंदाजांच्या विकेट काढल्या. डेथ ओव्हरमध्ये मोहम्मद शमी आणि अभिनव मनोहर यांनाही बाद केले. (Photo- LSG Twitter)
शार्दुल ठाकूरने आयपीएल 2025 मध्ये छाप पाडली आहे. मेगा लिलावात त्याला कोणत्याही संघाने विचारलेही नव्हते. 2 कोटी रुपयांच्या बेस प्राईससह मेगा लिलावात प्रवेश केला होता. लखनौचा मोहसिन खान दुखापतग्रस्त झाल्याने त्याला संघात एन्ट्री मिळाली. त्याने या संधीचं सोनं केलं. (Photo- LSG Twitter)
