IPL 2026 Auction: फक्त 4 सामनेच खेळणार, तरीही फ्रँचायजीकडून कोटींचा भाव, कोण आहे तो?
IPL 2026 Auction : मिनी ऑक्शनमधून अनेक खेळाडू मालामाल झाले. युवा खेळाडू कोट्याधीश झाले. मात्र लखनौ सुपर जायंट्सने अशा एका खेळाडूला आपल्या ताफ्यात घेतलंय जो 19 व्या मोसमात केवळ 4 सामनेच खेळणार आहे.
आयपीएल 2026 साठी दुबईत 16 डिसेंबर रोजी मिनी ऑक्शन पार पडलं. या मिनी ऑक्शनमधून ऑस्ट्रेलियाचा विकेटकीपर बॅट्समन जोश इंग्लिस याला लखनौ सुपर जायंट्सने आपल्या ताफ्यात घेतलं. लखनौने इंग्लिससाठी 8 कोटी 60 लाख रुपये मोजले. (Photo Credit : PTI)
जोस इंग्लिस याला त्याच्या लौकीकापेक्षा कमी भाव मिळाल्याचं म्हटलं जात आहे. मात्र इंग्लिस या 19 व्या हंगामात केवळ 4 सामनेच खेळणार आहे. मात्र त्यानंतरही इंग्लिसला 8 कोटींपेक्षा जास्त भाव मिळाला. (Photo Credit : PTI)
जोश इंग्लिस याचं आयपीएल 2026 च्या मोसमादरम्यान लग्न होणार आहे. त्यामुळे इंग्लिस फक्त 4 सामन्यांसाठी उपलब्ध असणार आहे. इंग्लिसने ऑक्शनआधीच याबाबत कळवलं होतं. मात्र त्यानंतरही लखनौने इंग्लिससाठी इतकी मोठी बोली लावली. (Photo Credit : PTI)
जोशला आपल्या गोटात घेण्यासाठी लखनौला आणि सनरायजर्स हैदराबाद यांच्यात चुरस पाहायला मिळाली. हैदराबादने इंग्लिससाठी 8 कोटी 40 लाख इतकी बोली लावली. मात्र लखनऊने मैदान मारलं आणि इंग्लिसला आपल्या ताफ्यात घेतलं. (Photo Credit : PTI)
जोशने आयपीएलच्या 18 व्या हंगामातील 11 सामन्यांमध्ये 278 धावा केल्या. जोश टॉपपासून लोअर ऑर्डरमध्ये कुठेही बॅटिंग करु शकतो. आता जोश या आगामी मोसमातील 4 सामन्यांमध्ये कशी कामगिरी करतो? याच्याकडे टीम मॅनेजमेंटचं लक्ष असणार आहे. (Photo Credit : PTI)
