Ryan Rickleton: रायन रिकल्टन 37 षटकार ठोकत इतिहास रचण्याच्या मार्गावर, आता इतकं केलं की झालं
आयपीएल 2026 स्पर्धेच्या 58व्या सामन्यात पंजाब किंग्स आणि मुंबई इंडियन्स हे संघ आमनेसामने आले होते. हा सामना मुंबई इंडियन्सने सहा गडी राखून जिंकला. या सामन्यात रायन रिकल्टनने चांगली सुरूवात करून दिली. त्याने 23 चेंडूत 48 धावा केल्या आणि एक मोठा विक्रम रचण्याच्या वेशीवर उभा आहे.
आयपीएल 2026 स्पर्धेतून मुंबई इंडियन्सचं प्लेऑफचं आव्हान संपुष्टात आलं आहे. आता फक्त औपचारिकता म्हणून साखळी फेरीचे सामने खेळत आहे. असं असताना या स्पर्धेत मुंबई इंडियन्सकडून रायन रिकल्टनची बॅट चांगलीच तळपली. त्याने पंजाब किंग्सविरुद्धच्या सामन्यात 48 धावांची खेळी केली. यावेळी त्याने 4 षटकार आणि 4 चौकार मारले. त्याचा स्ट्राईक रेट हा 208हून अधिकचा होता. (Photo: PTI)
पंजाब किंग्सविरुद्ध रायन रिकल्टनचं अर्धशतक अवघ्या 2 धावांनी हुकलं. त्याने 48 धावांची खेळी केली. पण या खेळीदरम्यान रिकल्टनने 4 षटकार मारले आणि एका मोठ्या विक्रमाच्या दिशेने कूच केली आहे. रायन रिकल्टनने या पर्वात एकूण 37 षटकार मारले आहेत. (Photo: PTI)
रायन रिकल्टन मुंबई इंडियन्ससाठी एका पर्वात सर्वाधिक षटकार मारणारा फलंदाज ठरू शकतो. या बाबतीत सूर्यकुमार यादवच्या एक षटकार मागे आहे. सूर्यकुमार यादवने वर्ष 2025 मध्ये 38 षटकार मारले होते. आता रिकल्टने पुढच्या सामन्यात एक षटकार मारला तर बरोबरी आणि दोन षटकार मारले तर त्याच्या पुढे निघून जाईल. (Photo: PTI)
रायन रिकल्टनने या पर्वातील 10 सामन्यात एकूण 430 धावा केल्या आहेत. त्याचा बॅटिंग एव्हरेज 47.7चा आहे आणि स्ट्राईक रेट हा 190हून अधिकचा आहे. रिकल्टनने या पर्वात एक शतक आणि दोन अर्धशतकं ठोकली आहेत. (Photo: PTI)
रायन रिकल्टनने आयपीएल 2026 मध्ये केकेआरविरुद्ध 81, सनरायझर्स हैदराबादविरुद्ध 123 धावांची खेळी केली होती. तर लखनौ सुपर जायंट्सविरुद्ध त्याने 32 चेंडूत 83 धावा केल्या होत्या. (Photo: PTI)
