आयपीएलचा 17 वा हंगाम या खेळाडूंसाठी अखेरचा! ‘हे’ 10 खेळाडू निवृत्तीच्या मार्गावर!
IPL 2024 Retirement: आयपीएलच्या 17 व्या हंगामातील महामुकाबल्यात सनरायजर्स हैदराबादचा पराभव करत कोलकाता नाईट रायडर्स चॅम्पियन ठरली. या हंगामानंतर 10 खेळाडू कोणत्याही क्षणी निवृत्ती घेऊ शकतात.
महेंद्रसिंह धोनी याने आपल्या नेतृत्वात चेन्नई सुपर किंग्सला 5 वेळा चॅम्पियन केलं. यंदा ऋतुराजच्या नेतृत्वात चेन्नईचं साखळी फेरीतच आव्हान संपुष्टात आलं. धोनीने या हंगामात 161 धावा केल्या. धोनीचा 17 वा हंगाम अखेरचा ठरु शकतो.
राजस्थान रॉयल्सचा अनुभवी खेळाडू आर अश्विन आयपीएलला अलविदा करु शकतो. अश्विनने या हंगामात राजस्थानसाठी 86 धावांसह 15 सामन्यांमध्ये 9 विकेट्स घेतल्या.
पंजाब किंग्सचा नियमित कर्णधार शिखर धवन याला या हंगामात दुखापतीमुळे बहुतांश सामन्यांना मुकावं लागलं. धवनने 152 धावा केल्या. धवनचा हा अखेरचा हंगाम ठरु शकतो.
केकेआरच्या मनीष पांडे याला या हंगामात फक्त 1 वेळाच बॅटिंगची संधी मिळाली. पांडे निवृत्तीचा निर्णय घेऊ शकतो.
दिल्ली कॅपिट्ल्सचा अनुभवी सलामीवीर डेव्हिड वॉर्नर याने 8 सामन्यांमध्ये 168 धावा केल्या. वॉर्नर आपल्या आयपीएलच्या कारकीर्दीत शेवटच्या टप्प्यात आहे.
गुजरात टायटन्सचा विकेटकीपर फलंदाज ऋद्धीमान साहा हा आयपीएलच्या पहिल्या हंगामापासून खेळतोय. साहाचा हा अखेरचा हंगाम असू शकतो.
मोहित शर्मा पुढील हंगामाआधी किंवा नंतरही निवृत्त होऊ शकतो. मोहितने यंदा या हंगामात 12 सामन्यांमध्ये 13 विकेट्स घेतल्या.
आरसीबीच्या दिनेश कार्तिकने राजस्थान रॉयल्स विरुद्धच्या एलिमिनेट सामन्यानंतर अघोषित निवृत्ती जाहीर केली. कार्तिकने या हंगामातील 15 सामन्यांमध्ये 326 धावा केल्या.
मुंबई इंडियन्सचा अनुभवी गोलंदाज पीयूष चावला याचा हा अखेरचा हंगाम असेल. चावलाने 11 सामन्यांमध्ये 13 विकेट्स घेतल्या. पीयूष आगामी हंगामाआधी आयपीएलला अलविदा करु शकतो.
लखनऊ सुपर जायंट्सचा अनुभवी अमित मिश्रा याला या हंगामात फक्त 1 सामन्यातच संधी मिळाली. अमितने 2 ओव्हरमध्ये 20 धावांच्या मोबदल्यात 1 विकेट घेतली. अमित मिश्रा कधीही निवृत्त जाहीर करु शकतो.
