T20 World Cup 2026 स्पर्धेत वयस्कर खेळाडूने ठोकलं अर्धशतक, 48 तासांपूर्वीचा विक्रम मोडला
टी20 वर्ल्डकप स्पर्धेच्या पहिल्या सामन्यापासून विक्रम रचले आणि मोडले जात आहेत. स्पर्धा म्हंटलं की असं होणारच.. आता ओमानच्या एका खेळाडूने 48 तासातच आपल्या मित्राचा विक्रम मोडला. स्पर्धेतील आव्हान संपुष्टात आलं असलं तरी हा विक्रम टी20 वर्ल्डकपच्या इतिहासात नोंद करून गेला आहे.
टी20 वर्ल्डकप स्पर्धेत जवळपास सर्वच सामने सहज जिंकता आलेले नाहीत. असोसिएट संघांनी चुरशीची लढत दिली आहे. उलटफेर करण्यात तसं काही यश आलं नाही. पण काही विक्रम मात्र भविष्यात चर्चेचा विषय ठरणार आहे. असाच एक विक्रम ओमानच्या फलंदाजाने केला. (Photo: PTI)
टी20 वर्ल्डकप स्पर्धेत ओमानला सलग तीन पराभवांना सामोरं जावं लागलं आहे. त्यामुळे स्पर्धेतील आव्हान संपुष्टात आलं आहे. पण असं असताना ओमानचा अष्टपैलू खेळाडू आमिर कलीमने एका विक्रमाची नोंद केली आहे. त्याच्या अर्धशतकी खेळीमुळे एक वर्ल्ड रेकॉर्ड झाला आहे. (Photo: PTI)
ओमानसाठी ओपनिंग उतरलेल्या डावखुरा फलंदाज कलिमने फक्त 29 चेंडूत अर्धशतक ठोकलं. यासह टी20 वर्ल्डकप स्पर्धेत अर्धशतक ठोकणारा वयस्कर फलंदाज ठरला आहे. (Photo: PTI)
आमिर कलीमने 44 वर्षे आणि 86 दिवस वय असताना हा विक्रम केला आहे. त्याने 48 तासांपूर्वी रचलेल्या त्याच्या मित्राचा विक्रम मोडीत काढला आहे. मोहम्मद नदीमने 43 वर्षे आणि 161 दिवसांचा असताना श्रीलंकेविरुद्ध अर्धशतक ठोकलं होतं. (Photo: PTI)
कलीमने अर्धशतकी खेळी केली खरी पण संघाला विजय काही मिळवून देऊ शकला नाही. आयर्लंडने 235 धावांचं लक्ष्य ठेवलं होतं. पण ओमानचा संघ फक्त 139 धावा करून शकला. यासह हा सामना 96 धावांनी गमावला. (Photo: PTI)
