Cricket : पाकिस्तान क्रिकेटचा जिवंत इतिहास काळाच्या पडद्याआड, वजीर मोहम्मद यांचं 95 व्या वर्षी निधन
Wazir Mohammad Death : क्रिकेट विश्वातून अतिशय वाईट बातमी समोर आली आहे. पाकिस्तानचे दिग्गज आणि माजी फलंदाज वजीर मोहम्मद यांचं सोमवारी निधन झालं. वजीर मोहम्मद यांच्या निधनामुळे क्रिकेट विश्वावर शोककळा पसरली आहे.
पाकिस्तानचे सर्वात वयस्कर आणि माजी क्रिकेटपटू वजीर मोहम्मद याचं निधन झालं आहे. वजीर मोहम्मद यांनी वयाच्या 95 व्या वर्षी अखेरचा श्वास घेतला. वजीर मोहम्मद हे बर्मिंघममध्ये वास्तव्यास होते. (Photo Credit : Douglas Miller/Keystone/Getty Images)
वजीर मोहम्मद यांनी पाकिस्तानचं 1952 ते 1959 दरम्यान एकूण 20 कसोटी सामन्यांमध्ये प्रतिनिधित्व केलं. तसेच वजीर पहिल्यांदा कसोटी मालिका खेळणाऱ्या पाकिस्तान संघातील हयात असलेले सदस्य होते. (Photo Credit : Central Press/Hulton Archive/Getty Images)
वजीर मोहम्मद यांनी निवृत्तीनंतरही क्रिकेटसह असलेलं नातं तोडलं नाही. वजीर मोहम्मद यांनी पाकिस्तान क्रिकेट बोर्डासाठी सल्लागार म्हणून जबाबदारी पार पाडली. त्यानंतर ते ब्रिटेनला गेले. तिथेच त्यांची प्राणज्योत माळवली. (Photo Credit : Twitter)
वजीर मोहम्मद यांनी कसोटी कारकीर्दीत अनेक अविस्मरणीय अशा खेळी केल्या होत्या. वजीर यांनी 1957- 58 च्या विंडीज दौऱ्यात पोर्ट ऑफ स्पेनमध्ये यजमानांविरुद्ध 189 धावांची खेळी केली होती. वजीर यांच्या या खेळीच्या जोरावर पाकिस्तानने या सामन्यात विंडीजवर मात केली होती. (Photo Credit : Twitter)
वजीर मोहम्मद यांनी फर्स्ट क्लास क्रिकेटमध्ये एकूण 105 सामने खेळले होते. वजीर मोहम्मद यांनी फर्स्ट क्लास क्रिकेटमध्ये 40 पेक्षा अधिकच्या सरासरीने 4 हजार 930 धावा केल्या होत्या. तसेच 11 शतकं झळकावली होती. (Photo Credit : Twitter)
