आरसीबीच्या विराट कोहली आणि एलिस पेरीला मिळाला मोठा मान, झालं असं की..
रॉयल चॅलेंजर्स बंगळुरु ही फ्रेंचायझी आयपीएल आणि डब्ल्यूपीएल लीग स्पर्धेत आहेत भारतातील या दोन्ही महत्त्वाच्या लीग स्पर्धा आहेत. या दोन्ही स्पर्धेत आरसीबीच्या खेळाडूंनी चमकदार कामगिरी केली आहे. विराट कोहलीने आयपीएल, तर एलिस पेरीने डब्ल्यूपीएलमध्ये नाव कमावलं आहे.
इंडियन टी20 लीगमध्ये सर्वाधिक धावा करणाऱ्या खेळाडूंच्या यादीत रॉयल चॅलेंजर्स बंगळुरूच्या खेळाडूंनी अव्वल स्थान पटकावले आहे. विराट कोहलीइंडियन प्रीमियर लीगमध्ये अव्वल स्थान पटकावले आहे, तर एलिस पेरी आता महिला प्रीमियर लीगमध्ये सर्वाधिक धावा करणारी खेळाडू ठरली आहे.
एलिस पेरीने महिला प्रीमियर लीगमध्ये आरसीबीसाठी 21 सामने खेळले आहेत, ज्यामध्ये तिने 64.23 च्या सरासरीने एकूण 835 धावा केल्या आहेत. या काळात त्याने 7 अर्धशतकेही झळकावली आहेत. विशेष म्हणजे या 21 डावांमध्ये ती 8 वेळा नाबाद राहिली.
विराट कोहली इंडियन प्रीमियर लीगमध्ये धावा करणाऱ्या खेळाडूंच्या यादीत अव्वल स्थानावर आहे. आरसीबीसाठी 252 सामन्यांमध्ये 244 डाव खेळणाऱ्या विराट कोहलीने आतापर्यंत एकूण 8004 धावा केल्या. यात आठ शतकांचा समावेश आहे.
विराट कोहली आयपीएलच्या इतिहासात 8000 धावा करणारा पहिला फलंदाज बनला आहे. दरम्यान, एलिस पेरी ही वुमन्स प्रीमियर लीगमध्ये 800 धावांचा टप्पा ओलांडणारी पहिली फलंदाज ठरली आहे. आरसीबीच्या खेळाडूंनी इंडियन लीगमध्ये नवा इतिहास रचला आहे.
वुमन्स प्रीमियर लीगच्या पहिल्या फेरीत आरसीबीचे 4 सामने शिल्लक आहेत. या सामन्यांमध्ये 165 धावा केल्या तर एलिस पेरी डब्ल्यूपीएलच्या इतिहासात 1000 धावा करणारी पहिली फलंदाज ठरेल.
