Retirement | आशिया कप स्पर्धेच्या तोंडावर टीम इंडियाच्या स्टार खेळाडूचा निवृत्तीचा निर्णय
Cricketer Retirement | टीम इंडियाच्या स्टार खेळाडूने इंस्टाग्राम पोस्ट करत निवृत्ती घेत असल्याची माहिती दिलीय.
मनोज तिवारी याने क्रिकेटला रामराम ठोकलाय. टीम इंडिया आणि बंगालसाठी खेळणाऱ्या मनोज तिवारी याने गुरुवारी इंस्टा पोस्ट करुन निवृत्तीबाबत माहिती दिली.
मनोज तिवारी याने निवृत्ती जाहीर करताना कोच मानबेंद्र घोष, आई-वडील आणि पत्नी सुष्मिता यांचे आभार मानले. मी या सर्वांमुळेच इतकी वर्ष क्रिकेट खेळू शकलो, असं मनोजने म्हटलंय.
मनोजने क्रिकेट कारकीर्दीत 18 हजार 925 धावा केल्या. मनोजने या दरम्यान एकूण 35 शतकं ठोकलीत. मनोजने मिडल ऑर्डरमध्ये उल्लेखनीय कामगिरी केली.
दुर्देवी बाब अशी की प्रतिभा असूनही मनोजला टीम इंडियात सातत्याने संधी मिळाली नाही. मनोजने टीम इंडियासाठी 12 एकदिवसीय सामन्यांमध्ये 1 शतक आणि 1 अर्धशतकासह 287 धावा केल्या. तसेच मनोज टी 20 मॅचही खेळला.
मनोजने बंगाल क्रिकेट बोर्डसाठी फार योगदान दिलंय. बंगालकडून रणजी ट्रॉफीत खेळताना मनोजने अनेक युवा खेळाडूंना मार्गदर्शन केलं. मनोज तिवारी सध्या बंगाल सरकारमध्ये क्रीडा मंत्री आहे.
