श्रीदेवीचा किसिंग सीनला नकार, पण दिग्दर्शकाने खेळला घाणेरडा डाव, न सांगताच शूट केला किसिंग सीन, अभिनेत्री दिलेली धमकी
बॉलिवूडची पहिली सुपरस्टार असणाऱ्या श्रीदेवीने या अभिनेत्यासोबत किसिंग सीन करण्यास दिलेला नकार. पण दिग्दर्शकाने तिला न सांगताच शूट केला किसिंग सीन. बॉलिवूडमध्ये उडालेली खळबळ.
बॉलिवूडची पहिली महिला सुपरस्टार म्हणून ओळख मिळवलेल्या श्रीदेवी यांनी आपल्या सौंदर्याने, दमदार अभिनयाने आणि अप्रतिम एक्सप्रेशन्सने 80 आणि 90 च्या दशकात प्रेक्षकांच्या मनावर अधिराज्य गाजवले होते. प्रत्येक भूमिकेत त्यांनी स्वतःची वेगळी छाप निर्माण केली.
1989 साली प्रदर्शित झालेल्या 'गुरु' या चित्रपटात श्रीदेवी आणि मिथुन चक्रवर्ती ही लोकप्रिय जोडी एकत्र झळकली होती. त्या काळात या दोघांची ऑनस्क्रीन केमिस्ट्री प्रेक्षकांना खूप आवडत होती. त्यांनी अनेक चित्रपटांत एकत्र काम केले होते आणि त्यांच्या नात्याबाबतही विविध चर्चा रंगत असत.
अशाच काळात ‘गुरु’ चित्रपटाच्या शूटिंगवेळी एक मोठा वाद समोर आला. मिळालेल्या माहितीनुसार, चित्रपटाचे दिग्दर्शक उमेश मेहरा यांनी श्रीदेवी आणि मिथुन चक्रवर्ती यांच्यात एक किसिंग सीन चित्रित करण्याची इच्छा व्यक्त केली होती. सुरुवातीला श्रीदेवींनी त्यासाठी होकार दिल्याची चर्चा होती. मात्र नंतर त्यांनी आपला निर्णय बदलला.
त्यावेळी मिथुन आणि श्रीदेवी यांच्या नात्यात तणाव निर्माण झाल्यामुळे त्या हा सीन करण्यास अजिबात तयार नव्हत्या. त्यांनी स्पष्ट शब्दांत दिग्दर्शकांना सांगितले की त्या असा सीन करणार नाहीत. वाद इथेच थांबला नाही. काही रिपोर्ट्सनुसार, श्रीदेवी आणि त्यांच्या आईने दिग्दर्शक उमेश मेहरा यांच्यावर गंभीर आरोप केले होते.
त्यांनी असा दावा केला की, अभिनेत्रीची स्पष्ट नाराजी असूनही हा सीन वेगळ्या पद्धतीने शूट करण्यात आला. शूटिंगदरम्यान टेंपरेरी टेक, वेगळे अँगल किंवा एडिटिंगचा वापर करून असा भास निर्माण करण्यात आला की श्रीदेवींनी त्या सीनला संमती दिली होती. नंतर हा प्रकार लक्षात आल्यानंतर श्रीदेवी प्रचंड संतापल्या होत्या.
या प्रकरणानंतर श्रीदेवींनी दिग्दर्शकांविरोधात कायदेशीर कारवाई करण्याची धमकी दिल्याचेही बोलले जाते. त्यांच्या कुटुंबीयांनी स्पष्ट इशारा दिला होता की संबंधित सीन पूर्णपणे हटवला नाही तर चित्रपट रिलीज होऊ दिला जाणार नाही. हा प्रकार त्या काळातील सर्वात चर्चित वादांपैकी एक मानला जातो.
