4 भागांची सत्यघटनेवर आधारित कथा, 6 वर्षानंतर अचानक OTT वर करतेय ट्रेंड, काही तासांमध्येच बनली नंबर 1
4 भागांची सत्यघटनेवर आधारित असणारी सीरिज. 6 वर्षानंतर अचानक OTT वर करतेय ट्रेंड. 144 तासांमध्येच बनली नंबर वन. पाहण्याची प्रेक्षकांची मोठी गर्दी.
बॉलिवूडमधील काही चित्रपट असे आहेत, जे कितीही जुने झाले तरी प्रेक्षक ते प्रचंड आवडीने आजही बघतात. पण असाच एक चित्रपट आहे जो तब्बल 6 वर्षांनंतर अचानक पुन्हा एकदा ओटीटीवर ट्रेंडमध्ये आला आहे. या चित्रपटाची कथा अस्वस्थ करणारी आणि सत्यघटना आहे.
आम्ही तुम्हाला ज्या सर्वाधिक चर्चेत असलेल्या आणि ट्रेंडिंग डॉक्युमेंट्रीबद्दल सांगत आहेत, जी 27 मे 2020 रोजी प्रदर्शित झाली होती. लिसा ब्रायंट यांनी या डॉक्युमेंट्रीचं दिग्दर्शन केलं असून तिचा उद्देश एका भीषण सत्यघटनेच्या अनेक थरांना उघड करणं हाच आहे.
ही कथा कोणतीही काल्पनिक गोष्ट नसून, प्रत्यक्ष अहवाल, अधिकृत नोंदी आणि पीडितांच्या साक्षींवर आधारित आहे. अनेक वर्षांत समोर आलेली माहिती एकत्र करून ही सीरिज तयार करण्यात आली आहे. जेणेकरून प्रेक्षकांना संपूर्ण सत्य समजू शकेल. सध्या या डॉक्युमेंट्रीचे छोटे-छोटे क्लिप्स सोशल मीडियावर व्हायरल होत असून ते पाहून कुणाचाही थरकाप उडेल.
‘जेफ्री एपस्टीन: फिल्थी रिच’ या डॉक्युमेंट्री सीरिजचे एकूण 4 भाग आहेत. प्रत्येक भाग सुमारे एका तासाचा आहे. या डॉक्युमेंट्रीमध्ये कुख्यात जेफ्री एपस्टीन, त्याची सहकारी गिसलेन मॅक्सवेल आणि अनेक सर्व्हायव्हर्स दाखवण्यात आले आहेत. त्यामध्ये सर्वाधिक ओळखली जाणारी पीडिता म्हणजे व्हर्जिनिया ज्यूफ्रे.
क्राइम कंटेंट आवडणाऱ्या प्रेक्षकांमध्ये ही सीरिज आधीच प्रचंड लोकप्रिय होती. मात्र, 2026 मध्ये लाखो नवीन कागदपत्रे आणि धक्कादायक खुलासे समोर आल्यानंतर ही डॉक्युमेंट्री पुन्हा एकदा चर्चेच्या केंद्रस्थानी आली.
4 फेब्रुवारी 2026 नंतर तिची लोकप्रियता झपाट्याने वाढली आणि काही दिवसांतच ही सीरिज अनेक देशांमध्ये ओटीटी प्लॅटफॉर्मवरील टॉप-10 यादीत पहिल्या क्रमांकावर पोहोचली. अनेक प्रेक्षकांनी ती पुन्हा पाहायला सुरुवात केली.
सध्या ही डॉक्युमेंट्री Netflix वर पाहता येते. जेफ्री एपस्टीन हा एक अमेरिकन फायनान्सर होता, जो अल्पवयीन मुलींचं लैंगिक शोषण, सेक्स ट्रॅफिकिंग आणि प्रभावशाली लोकांच्या गुन्हेगारी नेटवर्कचा भाग असल्याच्या गंभीर आरोपांमुळे कुख्यात झाला. 2019 मध्ये फेडरल सेक्स ट्रॅफिकिंगच्या आरोपांखाली अटक झाल्यानंतर तो तुरुंगात मृत अवस्थेत आढळून आला.
