Photo | ‘नाट्यसृष्टी अनलॉक’, पुण्यात 8 महिन्यांनी रंगभूमीवर तिसरी घंटा वाजली!
- कोरोनाच्या संकट कमी होत असताना पुण्यातील नाट्यसृष्टी पुन्हा एकदा सुरु झाली आहे. कोरोना नियमावलीची अंमलबजावणी करत नाटकांना सुरुवात झाली आहे.
- पुण्यातील यशवंतराव चव्हाण नाट्यगृहात शनिवारी कोरोनानंतरचा पहिला प्रयोग संपन्न झाला. ज्येष्ठ अभिनेते प्रशांत दामले यांच्या ‘एका लग्नाची दुसरी गोष्ट’ या नाटकाने पुण्यातील नाट्यसृष्टी ‘अनलॉक’ झाली.
- कोरोना संसर्गाच्या पार्श्वभूमीवर बैठक व्यवस्थेसह इतर बाबींची अंमलबजावणी केली असतानाही नाट्यप्रेमींचा उत्साह वाखाणण्याजोगा होता. प्रयोगाच्या सुरुवातीला रंगदेवतेला नमन करून ‘नाट्यक्षेत्राला पुन्हा उभारी दे’ असे साकडे घातले गेले.
- नाट्यप्रयोगाला प्रशांत दामले, कविता लाड, मोहन जोशी, सतीश आळेकर, उल्हासदादा पवार, केशव उपाध्ये, सलील कुलकर्णी, बेला शेंडे, ऋषीकेश रानडे, पृथ्वीराज सुतार, अमोल रावेतकर यांच्यासह नाट्यप्रेमी आणि रसिकांची उपस्थिती होती.
- नाट्यप्रयोग सुरु होण्याअगोदर नाट्यगृहाची साफसफाई करण्यात आली होती. तसेच सोशल डिस्टन्सिंगचे काटेकोरपणे पालन करण्यात आले होते.
