घराचं सौदर्यच वाढवत नाहीत ही 7 झाडे तर डासांनाही दूर पळवतात, आजच लावा गॅलरीत
Mosquito Repellent Garden: सर्वसाधारणपणे लोक मच्छरांना पळवण्यासाठी कॉईल, स्प्रे वा इलेक्ट्रॉनिक उपकरणांचा वापर करतात.मात्र, ही Mosquito Repellent उपकरणे मानवी आरोग्यासाठी हानिकारक असतात. मात्र, काही झाडे घरात लावून तुम्ही घराचे सौदर्यच नव्हे तर मच्छरांना दूर देखील पळवू शकता...
तुळस - तुळशीच्या वासाने मच्छर दूर पळतात. तसेच तुळस हवा शुद्ध करण्यासाठी आणि घराच्या आत सकारात्मकता वाढवण्यासाठी उपयोगी असते.
लव्हेंडर - लव्हेंडरचे झाड सुगंध आणि सुंदर फुलांसाठी प्रसिद्ध असते. या रोपट्यांचा सुगंध सर्वांना चांगला वाटत असतो. मात्र, डासांना इतर किटकांना हा सुगंध अजिबात आवडत नाही.
पुदीना - उन्हाळ्यात पुदीन्याचा ताजा सुगंध खूप पसंद केला जातो. मात्र, पुदीन्याचा हा सुगंध डासांना अजिबात आवडत नाही. त्यामुळे पुदीन्याची रोपे स्वयंपाकात जेवणासाठी आणि डासांना पळवण्यासाठी फायदेशीर ठरतात.
झेंडू ( marigold flower ) - झेंडूंची फुले घराची शोभा वाढवतात आणि मच्छरांना पळवण्यासाठी देखील मदत करतात.या झाडांचा आणि फुलांचा तीव्र सुंगध डासांना पळवून लावतो.
रोझमेरी - रोझमेरी ही प्रसिद्ध आयुर्वेदिक वनस्पती आहे. हीचा वास मच्छरांना पळवण्यास मदतीचा ठरतो. या रोपांना किचन गार्डन किंवा बालकनीत लावता येते.
सिट्रोनेला - सिट्रोनेला या वनस्पतीला 'मच्छरांना पळवणारी वनस्पती म्हटले जाते'. याचा वास मच्छरांना आवडत नाही. त्यामुळे मच्छर पळवणाऱ्या उत्पादनात याचा वापर केला जातो.
लेमन ग्रास - लेमन ग्रास म्हणजे गवती चहाचा सुगंध देखील डासांना आवडत नाही. लेमन ग्रासचा वापर चहा करण्यासाठी देखील केला जातो. डासांना याचा तीव्र सुगंध आवडत नाही. त्यामुळे घरात कुंडीत लेमन ग्रास उगवू शकता.
