8 एपिसोड्सची सायकोलॉजिकल थ्रिलर सीरिज, भन्नाट कथा, दमदार अभिनय; ओटीटीवर येताच होतेय ट्रेंड
OTT : नेटफ्लिक्स या ओटीटी प्लॅटफॉर्मवर नुकतीच एक वेब सीरिज प्रेक्षकांच्या भेटीला आली आहे. या क्राइम थ्रिलर सीरिजने पहिल्याच आठवड्यात टॉप 10 ट्रेंडिंग सीरिजच्या यादीत स्थान मिळवलं आहे.
तुम्हाला जर क्राइम वेब सीरिज आवडत असतील, तर ओटीटी प्लॅटफॉर्मवर नुकतीच एक सीरिज प्रदर्शित झाली आहे. ही सीरिज सस्पेन्स आणि थ्रिलने परिपूर्ण आहे. ओटीटीवर येताच या सीरिजने टॉप ट्रेंडिंग यादीत स्थान मिळवलं आहे. एकूण आठ एपिसोड्सची ही सीरिज नेटफ्लिक्स या ओटीटी प्लॅटफॉर्मवर स्ट्रीम होत आहे.
अवघ्या आठवडाभरापूर्वी प्रदर्शित झालेल्या या सीरिजने इतर अनेक मोठ्या चित्रपट आणि सीरिजना मागे टाकत टॉप 10 ट्रेंड्समध्ये स्थान मिळवलं आहे. या सीरिजचं नाव आहे 'नेमेसिस'. हा एक सायकोलॉजिकल क्राइम थ्रिलर आहे. या सीरिजची कथा लॉस एंजेलिसमध्ये राहणाऱ्या एक पोलीस आणि एका कुख्यात चोराच्या संघर्षाभोवती फिरते. या संघर्षामुळे त्यांचं वैयक्तिक आयुष्य उद्ध्वस्त होतं.
या सीरिजमध्ये मॅथ्यू लॉ, यलान नोएल, गॅब्रिएला डेनिस, सोफिना ब्राऊन आणि एरियाना ग्वेरा यांनी भूमिका साकारल्या आहेत. 14 मे 2026 रोजी ही सीरिज नेटफ्लिक्स या ओटीटी प्लॅटफॉर्मवर प्रदर्शित झाली. समिक्षकांकडून या सीरिजला संमिश्र प्रतिसाद मिळाला असला तरी प्रेक्षकांकडून त्याला मोठा प्रतिसाद मिळत आहे. त्यामुळेच ही सीरिज ओटीटीवर ट्रेंड होत आहे.
'नेमेसिस' ही सीरिज सध्या नेटफ्लिक्सच्या टॉप 10 ट्रेंडिंग यादीत सहाव्या क्रमांकावर आहे. याआधी ही सीरिज सातव्या क्रमांकावर होती. हळूहळू ती पहिल्या क्रमांकाकडे वाटचाल करत आहे. या सीरिजने 'माय रॉयल नेमेसिस' आणि 'द केस इज लीगल 2' यांसारख्या शोजनाही मागे टाकलं आहे.
कोर्टनी ए. केम्पच्या या क्राइम सीरिजचा प्रत्येक एपिसोड एक तासाचा असून असे एकूण आठ एपिसोड्स आहेत. जर तुम्ही एखाद्या दमदार क्राइम सीरिजच्या शोधात असाल, तर ही सीरिज तुमच्या वॉचलिस्टमध्ये आवर्जून समाविष्ट करण्यासारखी आहे.
