
भारतीय पुरुष हॉकी संघाने टोकियो ऑलिम्पिकमध्ये इतिहास घडवला आहे. जर्मनीवर मात करत भारताने ऑलिम्पिकमध्ये कांस्य पदक पटकावलं आहे.

भारतीय पुरुष हॉकी संघाच्या कामगिरीमुळे तमाम भारतवासियांची मान अभिमानाने उंचावली आहे. जर्मनी संघाला 5-4 ने हरवत भारतीय पुरुष हॉकी संघाने कांस्यपदकाची कमाई केली.

भारतीय संघाच्या विजयाने हॉकीमधील तब्बल 41 वर्षांचा पदकाचा दुष्काळ संपला आहे. भारताने हॉकीमधील शेवटचं पदक 1980 साली जिंकलं होतं. त्यानंतर चार दशकांनी भारताला कांस्य पदक पटकावण्यात यश आलं आहे.

टीम इंडियाचं सुरुवातीपासून जर्मनीवर वर्चस्व पाहायला मिळालं. भारताने 5-3 अशी आघाडी घेतली होती. भारताने तिसऱ्या क्वार्टरमध्ये दोन गोल केले. तर 31 व्या मिनिटाला चौथा गोल केला. रुपिंदर पाल सिंगने पेनल्टी स्ट्रोकचे गोलमध्ये रुपांतर केले.

दुसरीकडे, चौथ्या क्वार्टरची जर्मनीने शानदार सुरुवात केली होती. 48 व्या मिनिटाला जर्मनीने चौथा गोल केला. या गोलमुळे भारताची आघाडी कमी झाली होती. मात्र अखेर जर्मनी संघाला 5-4 ने हरवत भारतीय पुरुष हॉकी संघाने कांस्यपदकाची कमाई केली.

हॉकीपटू गुरजंत सिंह यांच्या कुटुंबीयांनी हॉकीत कांस्य पदकानंतर जल्लोष केला