Photos | संगमनेरमधील हरिश्चंद्र बालाघाट रांगेतील रुबाबदार आणि आखीवरेखीव ‘ढुम्या डोंगर’
संगमनेर तालुक्यात दक्षिण दिशेला असणारा हरिश्चंद्र बालाघाट रांगेतील "ढुम्या" डोंगर हा त्याच्या रुबाबदारपणासाठी आणि आखीवरेखीवपणासाठी ओळखला जातो.
- संगमनेर तालुक्यात दक्षिण दिशेला असणारा हरिश्चंद्र बालाघाट डोंगर रांगेवर नैसर्गिक सौदर्याची खाणच आहे.
- समोरच्या बाजूने आपल्या भव्यतेने ट्रेकिंग करणाऱ्यांना खुणावणारा हा डोंगर सध्या पावसाळ्यात पर्यटकांचे लक्ष वेधून घेत आहे.
- या डोंगरावर चहुदिशांनी हिरवळीची जादू आहे. अनेक प्रकारची झाडं-झुडपं, वेगवेगळ्या प्रकारची रानफुलं आणि वेगवेगळे पशुपक्षी ही पर्यटकांची मेजवानीच या ठिकाणी पाहायला मिळते.
- ट्रेकिंग करण्यासाठी हा संगमनेर तालुक्यातील हा चांगला डोंगर आहे. ट्रेकिंग करताना साधारणपणे 2-3 डोंगर चढ ओलांडून जावं लागतं. मध्ये मध्ये या डोंगरावर काही पठार भागही आहे. या ठिकाणी हिरव्यागार गवताची दाट चादर पसरलेली दिसते.
- ज्यांना ट्रेकिंग न करता केवळ उंचावरुन आजूबाजूच्या निसर्गाच्या सौदर्यांचा आनंद घ्यायचा आहे त्यांच्यासाठी डोंगराच्या मागच्या बाजूने गाडी वाट देखील उपलब्ध आहे.
- या वाटेने अगदी काही वेळेत डोंगराची निम्म्याहून अधिक उंची गाठता येते. मात्र, शेवटी काही उंचीपर्यंत पायीच जावं लागतं. त्यामुळे गाडीने येणाऱ्यांना देखील ढुम्या डोंगर आपली भव्यता अनुभवायला लावतो.
- या डोंगरावर गाडीने येऊन आजूबाजूच्या विस्तृत परिसराची निसर्गाने फुललेली दृश्य डोळ्यात साठवणे असो की ट्रेकिंग करत या भव्य डोंगराचे चढउतार अनुभवत निवांत चढाई करणे असे दोन्ही मार्ग पर्यटकांना भरभरुन आनंद देतात.
- या डोंगराच्या शिखरावर एक छोटंसं मंदिर आहे. ते सध्या मोडकळीस आलं असलं तरी ते डोंगराचं सौंदर्य वाढवणारं आहे.
- हेच मंदिर या डोंगराची ओळख बनलंय. हे ढुम्या खंडोबाचं मंदिर आहे. यावरुनच डोंगराला ढुम्या डोंगर असं नाव पडलं आहे.
- एकूणच हे संगमनेरमधील सर्वोत्तम डोंगरांपैकी एक ठिकाण आहे.
- हे पर्यटन स्थळ फार प्रसिद्ध नाही.
- त्यामुळे इतर ठिकाणी असणारी पर्यटकांची भरमसाठ गर्दी येथे नाही.
- त्यामुळे या ठिकाणी निसर्गाचा आनंद घेण्यासाठीचा निवांतपणा अगदी मुबलक आहे.
- तुम्ही जर संगमनेर तालुक्यात असाल किंवा पुणे नाशिक महामार्गावरुन प्रवास करत असाल तर या ठिकाणाला आवर्जून भेट देऊ शकता.
- पुणे-नाशिक महामार्गावरुन हे ठिकाण अगदी जवळ आहे.
- येथे टु व्हिलर आणि फोर व्हिलर दोन्ही प्रकारच्या गाड्या अगदी व्यवस्थित पोहचतात.
- येथे जाण्यासाठी रस्ते देखील उत्तम आहेत.
- या डोंगरावर चढाई करताना एकमेकांना सोबत देत होणारा प्रवास आनंददायी आहे.
- विशेष म्हणजे या ठिकाणी वन्यजीवांचा वावरही आहे. दिवसा हे वन्यप्राणी दिसत नसले तरी त्यांच्या खुणा त्यांची उपस्थिती दर्शवतात.
- मित्रांसोबत थोडा निवांत वेळ घालवायचा असेल तर येथे जरुर भेट द्या.
- एकूणच संगमनेरमधील निसर्गसंपन्न डोंगरांची ही रांग प्रसिद्ध पर्यटन स्थळ नसलं, तरी निसर्गाचा आनंद घेण्यासाठीचा निवांत ठिकाण आहे.