Vaibhav Sooryavanshi : अन् चाहत्यांच्या काळजाचा ठोकाच चुकला! वैभव सूर्यवंशीला गंभीर दुखापत, सेकंड इनिंगमध्ये नेमकं काय घडलं?
Vaibhav Sooryavanshi: झिम्बाब्वेविरुद्धच्या तिसऱ्या आणि या मालिकेतील अखेरच्या सामन्यातून एक धक्कादायक घटना समोर आली आहे. वैभव सूर्यवंशीला दुखापत झाली आहे. आता नेमकं काय घडलं होतं? जाणून घ्या...
झिम्बाब्वेविरुद्धच्या तिसऱ्या आणि या मालिकेतील अखेरच्या सामन्यात वैभवने एकदाच जबरदस्त कामगिरी केली. त्याने १६५ च्या प्रचंड स्ट्राईक रेटने ८१ धावांची धमाकेदार खेळी केली. या खेळीमुळे त्याने अनेक रेकॉर्ड्स आपल्या नावावर केले आणि सर्वांचे लक्ष वेधून घेतले.
टीम इंडियाने प्रथम फलंदाजी करताना एकूण १९२ धावांचा भक्कम स्कोर उभा केला होता. प्रत्युत्तरादाखल झिम्बाब्वेची फलंदाजी फारशी जमली नाही आणि त्यांना फक्त १५७ धावांवरच थांबावे लागले. मात्र या सामन्यात एक अशी घटना घडली की ती पाहून सर्वांच्या काळजाचा ठोकाच चुकला. ती घटना म्हणजे वैभव सूर्यवंशीला झालेली दुखापत.
वैभव सूर्यवंशी तसा चांगला आणि सक्रिय फिल्डर म्हणून ओळखला जातो. पण त्याचा फिटनेस कधीकधी त्याला साथ देत नाही, हे यावेळी पुन्हा एकदा स्पष्ट झाले. एक महत्त्वाचा कॅच घेण्याच्या प्रयत्नात असतानाच त्याला दुखापत झाली. कॅच घेण्यासाठी त्याने पुढच्या बाजूला जोरात उडी मारली, पण बॉल त्याच्या हातात अडकला नाही आणि तो तोंडावर जोरात जमिनीवर कोसळला. त्यावेळी त्याला गंभीर दुखापत झाल्याचे दिसून आले. त्याचा व्हिडीओ सोशल मीडियावर तुफान व्हायरल होत आहे.
दुखापत झाल्यानंतर इतर खेळाडूंनी ताबडतोब मैदानात येऊन त्याला सांभाळले आणि मदत केली. काही वेळानंतर मात्र वैभव पुन्हा फिल्डिंगसाठी मैदानात परतला आणि खेळ सुरू ठेवला.
शेवटी भारताने हा सामना ९० धावांनी सहज जिंकला. या विजयात वैभव सूर्यवंशीने फलंदाजीतून महत्त्वाची भूमिका बजावली होती. या मालिकेतील तिन्ही सामने जिंकून जागतिक विजेत्या भारतीय संघाने मालिका ३-० ने खिशात घातली आहे. त्यामुळे आता वैभवला पूर्णपणे बरे होण्यासाठी आणि रिकव्हरीसाठी थोडा वेळ मिळणार आहे. पूर्ण बरे होण्यासाठी थोडा वेळ मिळणार आहे.
