GK: कोणत्या राज्यात सर्वात जास्त वनक्षेत्र आहे? महाराष्ट्र कितव्या क्रमांकावर?
आपल्या भारत देशाला हिरवळ आणि नैसर्गिक संसाधनांचे वरदान लाभलेले आहे. भारतातील काही राज्ये आपल्या विस्तीर्ण वनक्षेत्रासाठी ओळखली जातात. भारतातील कोणत्या राज्यांमध्ये सर्वात जास्त वनक्षेत्र आहे याबाबत सविस्तर माहिती जाणून घेऊयात.
मध्य प्रदेश: मध्य प्रदेशात सर्वात जास्त वनक्षेत्र आहे. या राज्यात 94,689 चौरस किलोमीटरवर जंगल आहे. प्रमुख वनक्षेत्रांमध्ये कान्हा, बांधवगड, सातपुरा, पानपठा आणि पेंच राष्ट्रीय उद्यानांचा समावेश आहे.
अरुणाचल प्रदेश: अरुणाचल प्रदेशात अंदाजे 83743 चौरस किलोमीटर क्षेत्रावर जंगल आहे. हे राज्य दुसऱ्या क्रमांकावर आहे. अरुणाचल प्रदेशातील जंगलात विविध वनस्पती आणि प्राणी आढळतात.
महाराष्ट्र: महाराष्ट्रात अंदाजे 61,960 चौरस किलोमीटरवर जंगल आहे. अमरावती, संभाजीनगर, चंद्रपूर, धुळे, गडचिरोली, कोल्हापूर, नागपूर, नाशिक, पुणे, ठाणे आणि यवतमाळ या जिल्ह्यांमध्ये सर्वाधिक जंगले आहेत.
ओडिशा: ओडिशामधील सुमारे 61,204 चौरस किलोमीटरचे वनक्षेत्र आहे, तसेच छत्तीसगड मधील अंदाजे 59,772 चौरस किलोमीटर क्षेत्रावर जंगल आहे.
कर्नाटक: कर्नाटकमध्ये अंदाजे 43,382 चौरस किलोमीटर क्षेत्रावर जंगल आहे. ज्यामध्ये अनेक व्याघ्र प्रकल्प, 30 वन्यजीव अभयारण्ये, 15 संवर्धन प्रकल्प आणि एक सामुदायिक अभयारण्याचा समावेश आहे.
