लोकांना EV चा सल्ला, मग पंतप्रधान स्वतः इलेक्ट्रिक कार का वापरत नाहीत? अखेर समोर आले कारण!
जगातील तणावपूर्ण परिस्थिती पाहता पीएम मोदींनी आपल्या ताफ्यातील गाड्या ५० टक्क्यांनी कमी केल्या आहेत. पण लोकांना EV चा सल्ला देणारे पंतप्रधान स्वतः पेट्रोल कार का वापरतात? जाणून घ्या यामागचे कारण.
जगातील तणावपूर्ण परिस्थिती आणि वाढत्या इंधनाच्या किमतींमुळे देशावरील आर्थिक भार कमी करण्यासाठी, पंतप्रधान नरेंद्र मोदी यांनी आपल्या सुरक्षेतील गाड्यांची संख्या थेट ५० टक्क्यांनी कमी करण्याचा आदेश दिला आहे.
पण लोकांना इलेक्ट्रिक गाड्या (EV) वापरण्याचा सल्ला देणारे पंतप्रधान स्वतः मात्र पेट्रोल किंवा डिझेल कार का वापरतात? असा प्रश्न अनेकांना पडलेला असतो. यामागे सुरक्षेचे एक मोठे रहस्य दडलेले आहे.
पंतप्रधान वापरत असलेली गाडी ही सामान्य गाडी नसते. त्यात मोठ्या प्रमाणात हाय सेक्युरिटी पाहायला मिळते. त्यांच्या सुरक्षेसाठी पंतप्रधान इलेक्ट्रिक कार वापरु शकत नाही. पंतप्रधानांची सुरक्षा अत्यंत कडक नियमांनुसार चालते. त्यांची गाडी अशी असावी लागते, ज्याच्यावर कोणताही मोठा बॉम्बस्फोट किंवा बंदुकीच्या गोळ्यांचा अजिबात परिणाम होणार नाही.
पंतप्रधानांच्या कारला सुरक्षिततेसाठी खूप जड लोखंडी आणि स्टीलचे धातूचे कवच बसलेले असते. यामुळे गाडीचे वजन सामान्य गाड्यांपेक्षा कित्येक पटीने जास्त असते. एवढ्या अवाढव्य वजनाची बुलेटप्रूफ गाडी खेचण्यासाठी सध्याच्या इलेक्ट्रिक कारमधील बॅटरी तंत्रज्ञान आणि त्यांची क्षमता पुरेशी नाही.
भारतात अद्याप अशा कडक सुरक्षेच्या इलेक्ट्रिक कारची यशस्वी चाचणी झालेली नाही. त्यामुळे, जोपर्यंत पूर्णपणे सुरक्षित आणि मजबूत 'बुलेटप्रूफ इलेक्ट्रिक कार' तयार होत नाही, तोपर्यंत पंतप्रधानांना मुख्य प्रवासासाठी पेट्रोल-डिझेल गाडीच वापरावी लागेल.
पंतप्रधानांची मुख्य कार बदलण्यास वेळ लागणार असला, तरी त्यांच्या सुरक्षेतील इतर गाड्या बदलण्यास सुरुवात झाली आहे. पंतप्रधानांच्या ताफ्यातील पायलट कार (पुढे चालणारी गाडी), एस्कॉर्ट गाड्या आणि रुग्णवाहिका यामध्ये आता इलेक्ट्रिक वाहनांचा समावेश केला जात आहे.
नुकत्याच झालेल्या गुजरात आणि आसाम दौऱ्यात त्यांचा ताफा आधीपेक्षा खूप लहान दिसला होता. या बदलासाठी त्यांनी सरकारी तिजोरीतून एकही रुपया खर्च करून नवीन गाडी घेतली जाणार नाही. सध्या असलेल्या गाड्यांचाच योग्य वापर करण्यावर पंतप्रधानांचा भर आहे.
पंतप्रधानांच्या या निर्णयामुळे भारतामधील टाटा (Tata) आणि महिंद्रा (Mahindra) सारख्या मोठ्या कार कंपन्यांना एक नवीन आव्हान मिळाले आहे. पंतप्रधानांच्या सुरक्षेला साजेशी मजबूत आणि सुरक्षित इलेक्ट्रिक कार भारतातच तयार करण्यासाठी सध्या या कंपन्या प्रयत्न करत आहेत. त्यामुळे भविष्यात पंतप्रधान मोदी भारतात बनलेल्या (Made in India) इलेक्ट्रिक बुलेटप्रूफ गाडीत दिसू शकतात.
