पत्नीनेच राजकुमाराला संपवलं, रात्रीच्या अंधारात खुनी खेळ; नेमकं काय घडलं?
गोंदिया जिल्ह्यात एक धक्कादायक घटना घडली आहे. येथे एका पत्नीनेच आपल्या पतीचा खून केलाय.
सालेकसा पोलीस स्टेशन हद्दीतील हलबीटोला येथे एक धक्कादायक घटना घडली आहे. राजकुमार फत्थू मेश्राम (वय 48 वर्षे, रा. हलबीटोला, ता. सालेकसा, जि. गोंदिया ) याचा त्याच्या पत्नीनेच मारहाण करून खून केल्याचा आरोप आहे.
सदर प्रकरणात आरोपी पत्नी रामकला राजकुमार मेश्राम (वय 36 वर्षे) आणि राजकुमार यांच्यात घरी दारू पिवून येतोस म्हणून कडाक्याचे भांडण झाले.
आरोपी महिलेने आरडा-ओरड करत गोठ्यात असलेला लाकडी दांडा घेऊन आपल्या पतीच्या डोक्यावर जोराने मारला. या हल्ल्यात राजकुमार गंभीर जखमी झाले.
त्यानंतर रात्रभर राजकुमार गोठ्यात पडून राहिले. योग्य ते उपचार न मिळाल्याने आणि रात्रभर त्याच अवस्थेत पडून राहिल्याने त्यांचा मृत्यू झाला.
या प्रकरणात सालेकसा पोलिसांनी रामकलाला अटक केली असून पुढील तपास सालेकसा पोलीस करीत आहेत. पोलिसांच्या चौकशीतून रात्री नेमकं काय घडलं? हे समजणार आहे.
