घर असावं तर असं! मुंबई सोडून अभिनेत्रीने बर्फाळ डोंगरांच्या कुशीत बांधलं स्वप्नातलं घर, पाहतच रहाल…
अनेक अभिनेते-अभिनेत्री मुंबईत घर घेण्यासाठी आणि बांधण्यासाठी उत्सुक असतात. मात्र, बॉलिवूडमधील एका सुप्रसिद्ध अभिनेत्रीने मुंबईतील धावपळीच्या जीवनापासून दूर हिमाचल प्रदेशात स्थायिक होण्याचा निर्णय घेतला आहे. सततच्या प्रसिद्धीपासून दूर राहून हे कपल आता शांत आणि साधे जीवन जगत आहे. कामानिमित्त त्यांचा मुंबई आणि हिमाचलमधील प्रवास सुरू असतो.
यामीने लग्नाआधी मंडीतील गोहर येथे 25 एकर जमिनीवर असलेलं 100 वर्ष जुनं हेरिटेज घर खरेदी केलं होतं. जून 2021 मध्ये याच ठिकाणी यामी आणि आदित्यचं लग्न झालं. त्यामुळे हे घर त्यांच्या आयुष्यात खास बनलं आहे.
हिमाचलमधील या घरात लाकूड आणि दगडाचा वापर करण्यात आला असून, आजूबाजूला सुंदर बागा आहेत. या परिसरात सफरचंद, बटाटे, आलूबुखारा आणि आलं यांसारखी पिकं घेतली जातात.
एकता नगर येथे झालेल्या National Film Awards सोहळ्यात यामी आणि आदित्य यांना 'आर्टिकल 370'साठी राष्ट्रीय पुरस्कार मिळाला. आदित्य यांना निर्माता म्हणून, तर यामीला प्रमुख अभिनेत्री म्हणून त्यांच्या कामासाठी गौरवण्यात आलं.
हिमाचलमध्ये स्थायिक होण्याआधी हे कपल मुंबईतील खार वेस्टमधील मोठ्या भाड्याच्या अपार्टमेंटमध्ये राहत होतं. 2025 च्या अखेरीस 'धुरंधर 'च्या प्रमोशनवेळी आदित्यने आपल्या घराचा उल्लेख करत म्हटलं, "मेरा घर चित्रकार धुरंधर मार्ग पर है". यामी आणि आदित्य यांचा मुलगा वेदाविद यालाही प्रसिद्धीपासून दूर ठेवण्यात आलं आहे. मे 2024 मध्ये दोघे आई-वडील झाले. सप्टेंबर 2025 मध्ये यामीने वेदाविदसोबत फोटो शेअर केला होता, मात्र त्याचा चेहरा दिसणार नाही याची काळजी घेतली होती.
यामी गौतमचं हिमाचलमधील घर यासाठी देखील खास आहे की तिथे अभिनेत्री सगळ्या वस्तू नैसर्गिक वापरते; जसे की तिने एकदा हळद असलेल्या पाण्याचा फोटो शेअर केला आणि लिहिलं, "मेरी हिमाचल की खेती के हल्दी का पानी".
