बँकेत गेली ती परत आलीच नाही… आई वडिलांचा आक्रोश, हा तर लव्ह जिहाद म्हणत नवनीत राणा आक्रमक

अमरावती : लव्ह जिहादच्या मुद्द्यावरून अमरावतीच्या खासदार नवनीत राणा (Navneet Rana) आक्रमक झाल्या आहेत. अमरावतीत लव्ह जिहाद (Love Jihad) झाल्याचं म्हणत त्यांनी पोलिसांना प्रश्न विचारले आहेत. अमरावतीतील एक तरुणी कालपासून गायब आहे. तिला एक मुलगा घेऊन गेल्याचं बोललं जात आहे. पण ज्या मुलावर संशय आहे तो त्याच्या घरीच आहे. त्यामुळे या तरुणीचं नेमकं काय झालं ती कुठे आहे? तिच्या सोबत काय झालं आहे? हे स्पष्ट व्हायला हवं, अशी मागणी नवनीत राणा यांनी केली आहे. ही सगळी घटना सांगताना त्या तरुणीचे आई वडिल भावूक झाले. रडत-रडत त्यांनी ही संपूर्ण घटना सांगितली. राणा यांनी पोलिसांना अल्टिमेटम दिला आहे. पुढच्या दोन तासात या मुलीचा शोध घ्या, असं राणा म्हणाल्या आहेत.