खासदार नवनीत कौर राणा यांच्या सासऱ्यांना कोरोनाची लागण

गंगाधर राणा यांना कोरोनाचा संसर्ग झाल्याने राणा कुटुंबातील सदस्य, कार्यकर्ते अशा 50 ते 60 जणाची कोरोना चाचणी घेण्यात येत आहे

खासदार नवनीत कौर राणा यांच्या सासऱ्यांना कोरोनाची लागण

अमरावती : बडनेरा मतदारसंघाचे आमदार रवी राणा यांचे वडील, म्हणजेच अमरावतीच्या खासदार नवनीत कौर राणा यांच्या सासऱ्यांना कोरोनाची लागण झाली आहे. गंगाधर राणा यांचा कोरोना रिपोर्ट पॉझिटिव्ह आला आहे. (Amravati MP Navneet Rana Father in Law MLA Ravi Rana’s Father tested Corona Positive)

गंगाधर राणा यांना कोरोनाचा संसर्ग झाल्याने राणा कुटुंबातील सर्व सदस्य, तसेच कार्यकर्ते अशा जवळपास 50 ते 60 जणाची कोरोना चाचणी घेण्यात येत आहे. आमदार रवी राणा यांच्या घराचा संपूर्ण परिसर सॅनिटाईज करण्यात येणार असल्याची माहितीही सूत्रांनी दिली आहे.

हेही वाचा : केंद्रीय गृहमंत्री अमित शाह यांना कोरोनाची लागण

दरम्यान, कोव्हिड लॅबमध्ये कोरोनाग्रस्त रुग्णाच्या संपर्कातील 24 वर्षीय तरुणीच्या गुप्तांगातील स्वॅब घेतल्याचा संतापजनक प्रकार दोनच दिवसांपूर्वी अमरावतीत उघडकीस आला होता. त्यानंतर अमरावतीच्या खासदार नवनीत राणा चांगल्याच संतप्त झाल्या. नवनीत राणा यांनी पीडित मुलीला न्याय मिळावा यासाठी रस्त्यावर उतरण्याचा इशारा दिला.

“अमरावती येथील आरोग्य यंत्रणा पार ढासळली आहे. कोव्हिड रुग्णांचे हाल होत आहेत. कोव्हिड तपासणी करणाऱ्या खाजगी, कंत्राटी व्यक्तींची पार्श्वभूमी तपासून पाहली पाहिजे” असेही खासदार नवनीत राणा म्हणाल्या होत्या.

हेही वाचा : ‘त्या’ माऊलीचा हंबरडा ऐकून नवनीत राणाही गहिवरल्या

‘कोरोना’च्या पार्श्वभूमीवर आमदार रवी राणा यांनी सॅनिटायझर, मास्क आणि धान्य वाटण्यासाठी एप्रिल महिन्यात दौरे केले होते. नवनीत कौर राणाही यामध्ये सहभागी होत्या. त्यावेळी (एप्रिल महिन्यात) रवी राणा यांना 103-104 या श्रेणीत ताप आला. त्यामुळे त्यांच्या शरीरभर असह्य वेदना जाणवू लागल्या होत्या. तेव्हा त्यांना खासगी रुग्णालयात अ‍ॅडमिट करण्यात आले होते, परंतु त्यांना कोरोनाची लागण झाली नव्हती.

Mahafast 100 | बुलेटच्या वेगाने 100 बातम्या, ‘महाफास्ट’ रोज रात्री 7.56 वा. टीव्ही 9 मराठीवर 

नवनीत कौर राणा या अमरावती मतदारसंघातून लोकसभेवर अपक्ष निवडून गेल्या आहेत. शिवसेना खासदार आनंदराव अडसूळ यांचा धुव्वा उडवत नवनीत कौर निवडून आल्या आहेत. तर त्यांचे यजमान आणि युवा स्वाभिमान पक्षाचे नेते रवी राणा हे बडनेरा मतदारसंघातून पुन्हा एकदा आमदारपदी निवडून आले आहेत. त्यांनीही शिवसेना उमेदवाराचाच पराभव केला. शिवसेनेच्या संजय बंड यांच्या पत्नी प्रिती यांना रवी राणांनी पराभवाची धूळ चारली होती. (Amravati MP Navneet Rana Father in Law MLA Ravi Rana’s Father tested Corona Positive)

कमेंट करा

कमेंट करा

Your email address will not be published. Required fields are marked *