Amruta Fadnavis : ऐ ‘भोगी’, कुछ तो सीख हमारे ‘योगी’ से!, अमृता फडणवीसांनी पुन्हा मुख्यमंत्र्यांना डिवचलं
माजी मुख्यमंत्री आणि विरोधी पक्षनेते देवेंद्र फडणवीस यांच्या पत्नी अमृता फडणवीस यांनीही नाव न घेता मुख्यमंत्र्यांवर निशाणा साधलाय. ये 'भोगी', कुछ तो सीख हमारे 'योगी' से! असं ट्वीट अमृता फडणवीस यांनी केलंय.
मुंबई : मशिदींवरील भोंग्यांच्या मुद्द्यावरुन राज्यातील राजकारण चांगलंच तापलं आहे. महाराष्ट्र नवनिर्माण सेनेचे अध्यक्ष राज ठाकरे (Raj Thackeray) यांनी मशिदींवरील भोंग्यांचा मुद्दा उपस्थित केल्यानंतर आता उत्तर प्रदेशातील धार्मिक स्थळांवरील, विशेषत: मशिदींवरील भोंगे उतरवले आहेत. योगी सरकारच्या या निर्णयानंतर राज ठाकरे यांनी मुख्यमंत्री योगी आदित्यनाथ (Yogi Adityanath) यांचं अभिनंदन केलं आहे. तर महाराष्ट्रात ‘योगी’ कुणीच नाही, आहेत ते फक्त सत्तेचे ‘भोगी’! अशा शब्दात मुख्यमंत्री उद्धव ठाकरेंना टोला लगावलाय. त्यानंतर आता माजी मुख्यमंत्री आणि विरोधी पक्षनेते देवेंद्र फडणवीस (Devendra Fadnavis) यांच्या पत्नी अमृता फडणवीस यांनीही नाव न घेता मुख्यमंत्र्यांवर निशाणा साधलाय. ये ‘भोगी’, कुछ तो सीख हमारे ‘योगी’ से! असं ट्वीट अमृता फडणवीस यांनी केलंय.
ऐ ‘भोगी’ , कुछ तो सीख हमारे ‘योगी’ से !#Maharashtra #thursdayvibes
— AMRUTA FADNAVIS (@fadnavis_amruta) April 28, 2022
तत्पूर्वी, मनसे अध्यक्ष राज ठाकरे यांनीही ट्वीट करत योगी सरकारचे अभिनंदन केले आणि महाराष्ट्रातील महाविकास आघाडी सरकारवर जोरदार निशाणा साधलाय. ‘उत्तर प्रदेशातील धार्मिक स्थळांवरील, विशेषत: मशिदींवरील भोंगे उतरवल्याबद्दल योगी सरकारचे मन:पूर्वक अभिनंदन आणि आभार. आमच्याकडे महाराष्ट्रात ‘योगी’ कुणीच नाही, आहेत ते फक्त सत्तेचे ‘भोगी’! महाराष्ट्र सरकारला सद्बुद्धी मिळो, हीच आई जगदंबेचरणी प्रार्थना’, असं ट्वीट करत राज ठाकरे यांनी ठाकरे सरकारवर जोरदार हल्ला चढवलाय.
#Azaan #Loudspeakers pic.twitter.com/Z6sCSPwJdK
— Raj Thackeray (@RajThackeray) April 28, 2022
दरम्यान, यापूर्वीही अमृता फडणवीस यांनी मुख्यमंत्री शिवसेना प्रर्यायानं मुख्यमंत्री उद्धव ठाकरे, राष्ट्रवादी काँग्रेस आणि काँग्रेसला डिवचण्याचा प्रयत्न केलाय. 25 एप्रिल रोजीही अमृता फडणवीस यांनी चार ओळींमध्ये हिंदुत्वाच्या मुद्द्यावरुन शिवसेनेवर टीका केली होती. ‘कलियुग के इस राजा ने अब दिया एक फ़रमान है….जो उगलेगा ‘च’ की गाली, उसे इज़्ज़त और मान है, जो जपेगा नाम प्रभु का, उसकी हलक में जान है !’ असं ट्वीट त्यांनी केलं होतं.
कलियुग के इस राजा ने अब दिया एक फ़रमान है…. जो उगलेगा ‘च’ की गाली, उसे इज़्ज़त और मान है, जो जपेगा नाम प्रभु का, उसकी हलक में जान है !#Maharashtra #Maharashtraunderattack
— AMRUTA FADNAVIS (@fadnavis_amruta) April 25, 2022
इतकंच नाही तर उद्धव ठाकरे यांचा उल्लेख ‘उद्ध्वस्त ठ’ असा करत कुठे नेऊन ठेवलाय महाराष्ट्र आमचा? असा प्रश्न केला होता. त्यात त्यांनी एकूण 6 पर्यायही दिले होते. त्यांचं हे ट्वीट चांगलंच चर्चेत आलं होतं.
एक पर्याय लिहायला विसरलेच ;
६. बायकोच्या भावाच्या ताब्यात …#Maharashtra #Maharashtraunderattack https://t.co/yDKp6taewo
— AMRUTA FADNAVIS (@fadnavis_amruta) April 24, 2022
इतर बातम्या :
Mamata Banerjee to PM Modi: आधी आमची देणी क्लिअर करा, एक काय 5 वर्ष पेट्रोल-डिझेलवर कर लावणार नाही; ममता बॅनर्जींचं प्रत्युत्तर
Pune Prashant Jagtap : महाविकास आघाडीचा एल्गार; पुण्यात घुमणार आवाज, महाराष्ट्र दिनाच्या पूर्वसंध्येला होणार सभा
