BMC Election 2022 Gaondevi Dongari Ward 66 : मुंबई महापालिका निवडणुकीसाठी भाजपनं शड्डू ठोकला, शिवसेनेसमोर अस्तित्वाचा प्रश्न

मुंबई : राज्यातील सत्तांतरानंतर आता महापालिका निवडणुकांकडे (Municipal Elections) सगळ्यांचे डोळे लागले आहेत. त्यातही एकनाथ शिंदे यांच्या बंडानंतर आता मुंबई महापालिकेवर (Mumbai Municipal Corporation) कमळ फुलवण्यासाठी भाजपनं सर्व शक्ती पणाला लावण्याचा निर्णय घेतलाय. त्याच पार्श्वभूमीवर भाजपनं मुंबई अध्यक्षपदी आशिष शेलार यांची नेमणूक केली आहे. मुंबई भाजप अध्यक्षपदाचा पदभार स्वीकारताच शेलार यांनीही ठाकरेंना थेट आव्हान दिलंय. दुसरीकडे शिंदेंच्या बंडाळीनंतर संघटन मजबूत करण्याकडे शिवसेना पक्षप्रमुख उद्धव ठाकरे (Uddhav Thackeray) आणि युवासेना प्रमुख आदित्य ठाकरे यांचा कल आहे. अशावेळी मुंबई महापालिकेवरील जवळपास 25 वर्षाची सत्ता कायम ठेवण्याचं भलं मोठं आव्हान ठाकरे पिता-पुत्रांसमोर आले. त्यातच शिंदे आणि फडणवीस सरकारने सत्तेत येताच महाविकास आघाडी सरकारने केलेली प्रभाग रचना रद्द ठरवली आहे. त्यामुळे आरक्षण सोडतीतही बदल होणार आहेत. अशावेळी प्रभाग क्रमांक 66 असलेल्या गावदेवी डोंगरीत कोणता पक्ष कोणता उमेदवार देणार आणि कोणत्या पक्षाचा उमेदवार जिंकणार हे पाहणं अत्यंत महत्वाचं असणार आहे.

प्रभाग क्रमांक 66 ची लोकसंख्या :

2011 च्या जनगणनेनुसार मुंबई महापालिकेतील प्रभाग क्रमांक 66 मधील एकूण लोकसंख्या 54 हजार 894 इतकी आहे. त्यात अनुसूचित जातीची लोकसंख्या 1 हजार 697, तर अनुसूचित जातीची लोकसंख्या 418 इतकी आहे.

मागील निवडणुकीतील विजयी उमेदवार :

2017 मधील मुंबई महापालिका निवडणुकीत प्रभाग क्रमांक 66 मधून काँग्रेसच्या मेहर मोहसीन हैदर या विजयी झाल्या होत्या. त्यांना एकूण 11 हजार 228 मतं पडली होती. तर त्यांच्यानंतर एमआयएमच्या फिरदोस आरिफ शेख, भाजपच्या शीला जशवंत शाह आणि योगिता येल्लपा कुशाळकर या अनुक्रमे दुसऱ्या, तिसऱ्या आणि चौथ्या स्थानावर होत्या.

प्रभाग क्रमांक 66 च्या सीमा :

उत्तरेला प्रभाग क्रमांक 65, कॅप्टन सावंत मार्ग. पूर्वेला के/पश्चिम व के/पूर्व विभागाची सामाईक, पश्चिम रेल्वे लाईन. दक्षिणेला प्रभाग क्रमांक 67, सिझर रोड व म्हातारपाडा रोड, तर पश्चिमेला प्रभाग क्रमांक 65 चा विरा देसाई रोड.

प्रभाग क्रमांक 66 ची व्याप्ती :

बाळासाहेब ठाकरे उड्डाण पुल (ठाकरे हॉस्पिटल) पश्चिम रेल्वे लाईन जंक्शन पासून रेल्वे लाईनच्या पश्चिमबाजूने दक्षिणेकडे रेल्वे लाईनने हिंदू फ्रेंड सोसायटी मार्गालगतच्या फुट ओवर ब्रीज पर्यंत तेथून. उक्त फुट ओवर ब्रीजच्या उत्तरबाजूने पश्चिमेकडे एस.व्ही.रोड पर्यंत. तेथून एस. व्ही. रोडच्या पश्चिमबाजूने दक्षिणेकडे सिझर रोड जंक्शन पर्यंत. तेथून सिझार रोड च्या उत्तरबाजूने पश्चिमेकडे ढाके इस्टेट रोड,सिझर रोड व जय भवानी माता रोड च्या जंक्शन पर्यंत. तेथून जय भवानी माता रोडच्या पुर्वबाजूने उत्तरेकडे आगमन मार्गापर्यंत. तेथून आगमन मार्गाच्या उत्तरबाजूने पश्चिमेकडे म्हातारपाडा रोड पर्यंत. तेथून म्हातारापाडा रोडच्या पुर्वबाजूने उत्तरेकडे जे.पी.रोड पर्यंत. तेथून पुढे विठ्ठल नाईक मार्गाच्या उत्तरबाजूने पश्चिमेकडे विरा देसाई रोड पर्यंत. तेथून विरा देसाई रोडच्या पुर्वबाजूने उत्तरेकडे कॅप्टन सावंत मार्गापर्यंत. तेथून कॅप्टन सावंत मार्गाच्या दक्षिण बाजूने पुर्वेकडे एस.व्ही.रोड ओलांडून बाळासाहेब ठाकरे उड्डाणपुलापर्यंत. तेथून उक्त पुलाच्या व दक्षिण बाजुने पुर्वेकडे बाळासाहेब ठाकरे उड्डाण पुल (ठाकरे हॉस्पिटल) पश्चिम रेल्वे लाईन जंक्शन पर्यत म्हणजेच निघालेल्या ठिकाणापर्यंत. सदर प्रभागात सैनिक नगर, खान इस्टेट. पाटील वाडी, सोमीन नगर परिसर या प्रमुख ठिकाणे / वस्ती / नगरे यांचा समावेश होतो.