BMC Election 2022 Godrej Company Ward 125 : सत्तापालटानंतर मुंबई महापालिकेवर कुणाचा झेंडा फडकणार? ठाकरेंसाठी अस्तित्वाची लढाई, तर भाजपची जोरदार मोहीम

मुंबई : राज्यातील सत्तांतरानंतर आता महापालिका निवडणुकांकडे (Municipal Corporation Election) सगळ्यांचे डोळे लागले आहेत. त्यातही एकनाथ शिंदे यांच्या बंडानंतर आता मुंबई महापालिकेवर कमळ फुलवण्यासाठी भाजपनं सर्व शक्ती पणाला लावण्याचा निर्णय घेतलाय. त्याच पार्श्वभूमीवर भाजपनं मुंबई अध्यक्षपदी आशिष शेलार (Ashish Shelar) यांची नेमणूक केली आहे. मुंबई भाजप अध्यक्षपदाचा पदभार स्वीकारताच शेलार यांनीही ठाकरेंना थेट आव्हान दिलंय. दुसरीकडे शिंदेंच्या बंडाळीनंतर संघटन मजबूत करण्याकडे शिवसेना पक्षप्रमुख उद्धव ठाकरे (Uddhav Thackeray) आणि युवासेना प्रमुख आदित्य ठाकरे यांचा कल आहे. अशावेळी मुंबई महापालिकेवरील जवळपास 25 वर्षाची सत्ता कायम ठेवण्याचं भलं मोठं आव्हान ठाकरे पिता-पुत्रांसमोर आले. त्यातच शिंदे आणि फडणवीस सरकारने सत्तेत येताच महाविकास आघाडी सरकारने केलेली प्रभाग रचना रद्द ठरवली आहे. त्यामुळे आरक्षण सोडतीतही बदल होणार आहेत. अशावेळी प्रभाग क्रमांक 125 मध्ये कोणता पक्ष कोणता उमेदवार देणार आणि कोणत्या पक्षाचा उमेदवार जिंकणार हे पाहणं अत्यंत महत्वाचं असणार आहे.

प्रभाग क्रमांक 125 ची लोकसंख्या :

2011 च्या जनगणनेनुसार मुंबई महापालिकेतील प्रभाग क्रमांक 125 मधील एकूण लोकसंख्या 47 हजार 626 इतकी आहे. त्यात अनुसूचित जातीची लोकसंख्या 4 हजार 90, तर अनुसूचित जातीची लोकसंख्या 539 इतकी आहे.

मागील निवडणुकीतील विजयी उमेदवार :

2017 मधील मुंबई महापालिका निवडणुकीत प्रभाग क्रमांक 125 मधून शिवसेनेच्या रुपाली सुरेश आवळे या विजयी झाल्या होत्या. त्यांना एकूण 10 हजार 652 मतं मिळाली होती. तर त्यांच्यानंतर 7 हजार 608 मतांसह भाजपच्या साक्षी सचिन पवार दुसऱ्या क्रमांकावर तर काँग्रेसच्या आयु. वैशाली राजेंद्र कांबळे 1 हजार 750 मतांसह तिसऱ्या क्रमांकावर राहिल्या.

प्रभाग क्रमांक 125 च्या सीमा :

उत्तरेला प्रभाग क्रमांक 124 आदिशंकराचार्य मार्ग, पूर्वेला प्रभाग क्रमांक 123 जोसेफ चर्च रोड, दक्षिणेला प्रभाग क्रमांक 132, 127 एच आणि एन विभागाची सामाईक सीमा, तर पश्चिमेला प्रभाग क्रमांक 161, 162 एस व एल विभागाची सामाईक सीमा

प्रभाग क्रमांक 125 ची व्याप्ती :

आदि शंकराचार्य मार्ग व जोसेफ चर्चरोडच्या नाक्यापासून, जोसेफ चर्च रोडच्या पश्चिमबाजूने दक्षिणेकडे डोंगरापर्यंत, तेथून उक्त डोंगराच्या पश्चिमबाजूने दक्षिणेकडे ‘एस’ व ‘एन’ विभागाच्या सामाईक सीमेपर्यंत, तेथून उक्त सामाईक सीमेच्या पूर्वबाजूने उत्तरेकडे व पश्चिमबाजूने दक्षिणेकडे ‘एस’ व ‘एल’ विभागाच्या सामाईक सीमेपर्यंत, तेथून उक्त सामाईक सीमेच्या पूर्वबाजूने उत्तरेकडे आदि शंकराचार्य मार्गापर्यंत, तेथून आदि शंकराचार्य मार्गाच्या दक्षिणबाजूने पूर्वेकडे जोसेफ चर्च रोडपर्यंत. ..म्हणजेच निघालेल्या ठिकाणापर्यंत. सदर प्रभागात हिरानंदानी गार्डन, साईनाथनगर, पंचकुटीर, गणेशनगर, म्हाडा कॉलनी, जलवायू विहार, रमाबाई आंबेडकर नगर या प्रमुख ठिकाणे / वस्ती / नगरेयांचा समावेश होतो.