“आमचे बंधूराज…” छत्रपती शिवेंद्रसिंहराजेंसोबत फोटो, उदयनराजेंचं ट्विट पाहिलंत का?

सातारा : सातारा-जावळीचे भाजप आमदार छत्रपती शिवेंद्रसिंहराजे भोसले यांचा आज वाढदिवस. त्यानिमित्ताने भाजपचे राज्यसभा खासदार आणि बंधू छत्रपती उदयनराजे भोसले यांनी शुभेच्छा दिल्या आहेत. ट्विटरच्या माध्यमातून उदयनराजेंनी शिवेंद्रसिंहराजेंवर शुभेच्छांचा वर्षाव केला. (Chhatrapati Udayanraje Bhosle wishes brother Chhatrapati ShivendraSinhraje Bhosle on birthday)

“आमचे बंधुराज सातारा-जावळी मतदारसंघाचे आमदार छत्रपती शिवेंद्रसिंहराजे भोसले यांना वाढदिवसाच्या लक्ष लक्ष शुभेच्छा. आपणास उदंड व निरोगी आयुष्य लाभो हीच आई भवानी चरणी प्रार्थना.” असं लिहित उदयनराजेंनी दोघांचा फोटोही शेअर केला आहे.

आमचे बंधुराज सातारा-जावळी मतदारसंघाचे आमदार छत्रपती शिवेंद्रसिंहराजे भोसले यांना वाढदिवसाच्या लक्ष लक्ष शुभेच्छा. आपणास उदंड व निरोगी आयुष्य लाभो हीच आई भवानी चरणी प्रार्थना.#HappyBirthday pic.twitter.com/4i1PzWAZHj

— Chhatrapati Udayanraje Bhonsle (@Chh_Udayanraje) March 30, 2021

छत्रपती शिवेंद्रसिंहराजे भोसले कोण आहेत ?

छत्रपती शिवेंद्रसिंहराजे भोसले हे राष्ट्रवादीच्या तिकीटावर 2004 पासून सलग तीन वेळा साताऱ्यातून आमदारपदी निवडून आले. त्यानंतर 2019 मध्ये विधानसभा निवडणुकांच्या तोंडावर राष्ट्रवादीला रामराम ठोकत त्यांनी आमदारकीचा राजीनामा दिला आणि भाजपप्रवेश केला. त्यानंतर भाजपच्या तिकिटावर ते सातारा मतदारसंघातून निवडून आले. (Chhatrapati Udayanraje Bhosle wishes brother Chhatrapati ShivendraSinhraje Bhosle on birthday)

शिवेंद्रराजे आणि उदयनराजे हे चुलतबंधू. मात्र गेल्या काही काळात दोघांमध्येही विस्तव जात नव्हता. आधी दोघंही राष्ट्रवादीत होते, नंतर दोघंही भाजपात गेले. त्यामुळे मूळचे राष्ट्रवादीचे असलेले दोन्ही राजे सध्या भाजपमध्ये आहेत. भाजपप्रवेशाच्या वेळी दोन्ही राजेंचं मनोमीलन झाल्याचं पाहायला मिळालं.

राष्ट्रवादीत घरवापीची ऑफर

विशेष म्हणजे राष्ट्रवादीचे आमदार शशिकांत शिंदे यांनी नुकतीच शिवेंद्रराजे भोसलेंना एक ऑफरही दिली होती. भाजपचे आमदार शिवेंद्रराजे भोसले हे पुन्हा राष्ट्रवादीत आले तर ते नगरपालिका निवडणुकीचे नेतृत्व करतील, अशी ऑफर शशिकांत शिंदे यांनी साताऱ्यात शिवेंद्रराजे भोसलेंना दिली होती.

उदयनराजेंचीही राष्ट्रवादीला सोडचिठ्ठी

महाराष्ट्र विधानसभा निवडणुकीपूर्वी शिवेंद्रराजे भोसले यांनी राष्ट्रवादीला सोडचिठ्ठी दिली होती. त्यांनी भाजपकडून विधानसभा निवडणूक लढवली. तर राष्ट्रवादीच्या तिकिटावर लोकसभा निवडून आलेले खासदार उदयनराजे भोसले यांनीही खासदारकीचा राजीनामा देऊन भाजपमध्ये प्रवेश केला. 14 सप्टेंबर 2019 रोजी उदयनराजे यांनी भाजपमध्ये प्रवेश केला. मात्र लोकसभा पोटनिवडणुकीत उदयनराजेंचा राष्ट्रवादीच्या श्रीनिवास पाटील यांनी पराभव केला होता. त्यानंतर भाजपने उदयनराजेंना राज्यसभेवर पाठवलं.

संबंधित बातम्या :

आधी शिवेंद्रराजे भोसले-शशिकांत शिंदेंची जवळीक, आता उदयनराजे शंभूराज देसाईंच्या घरी

शशिकांत शिंदेंसोबत दिलजमाईचे संकेत, शिवेंद्रराजेंचे ‘राष्ट्रवादी पुन्हा’?

(Chhatrapati Udayanraje Bhosle wishes brother Chhatrapati ShivendraSinhraje Bhosle on birthday)