5 हजार कोटींची संपत्ती, पण रस्त्यावर भिकारी बनून फिरला भाजपचा मुंबईतील आमदार, असं का? यामागे कारण काय?

तुम्ही कल्पना करा जर तुमच्याकडे कोट्यवधी रुपयांची संपत्ती असेल आणि एक दिवस तुम्ही रस्त्यावर भीक मागताना रस्त्यावर दिसलात तर? सगळेजण चकीत होतील. काही लोक तर तुम्हाला ओळखणार देखील नाहीत. असेच काहीचे घाटकोपर पूर्व मतदारसंघाचे आमदार पराग शहा यांनी केले आहे. ते रस्त्यावर भीक मागत फिरत होते. समोर आलेल्या व्हिडीओमध्ये दिसत आहे की त्यांना कोणी ओळखूही शकले नाही.

कोण आहे ते आमदार?

घाटकोपर पूर्व मतदारसंघाचे आमदार पराग शहा हे मुंबईतील एक प्रसिद्ध आणि संपन्न राजकारणी म्हणून ओळखले जातात. पाच हजार कोटींहून अधिक मालमत्तेचे मालक असलेल्या या आमदाराने अलीकडेच एक अभूतपूर्व प्रयोग केला. आपल्या गुरूने दिलेल्या आज्ञेनुसार त्यांनी एक पूर्ण दिवस वेषांतर करून भिकारी म्हणून घाटकोपरच्या रस्त्यांवर घालवला.

घाटकोपर चे कोट्याधीश आमदार पराग शहा जेव्हा वेषांतर करून घाटकोपर च्या रस्त्यावर भिकारी बनून फिरतात…!!! आपल्या गुरूने दिलेली आज्ञा पाळून पाच हजार कोटी चे मालक असलेले आमदार पराग शहा यांनी एक दिवस त्यांच्या मतदार संघ घाटकोपर पूर्व मध्ये भिकारी बनून दिवस काढला..!! तेव्हा काय घडले पहा pic.twitter.com/eEXw9I1joo

— Siyadivinelybeautyful 🇮🇳 (@Siya83377032) September 13, 2026

नेमकं कारण काय?

ही घटना फक्त राजकीय स्टंट नव्हती, तर गुरूंच्या शिकवणुकीनुसार आत्मानुभव घेण्याचा एक प्रयत्न होता. पराग शहा यांनी साधे कपडे परिधान केले, चेहरा आणि देखावा बदलला आणि मतदारसंघातील गर्दीच्या रस्त्यांवर भिकारी म्हणून फिरू लागले. त्या दिवशी त्यांनी सामान्य माणसांच्या नजरेतून आपलाच मतदारसंघ पाहिला. लोकांची प्रतिक्रिया, दया, उपेक्षा, मदत आणि कधी कधी दुर्लक्ष या सगळ्या भावना त्यांना प्रत्यक्ष अनुभवायला मिळाल्या.

घाटकोपरसारख्या गर्दीच्या आणि व्यस्त भागात भिकारी म्हणून दिवस काढणे सोपे नव्हते. अनेक जण त्यांच्याकडे पाहून पुढे गेले, काहींनी थोडी मदत केली, तर काहींनी नकारात्मक प्रतिक्रिया दिल्या. या अनुभवातून आमदारांना सामान्य नागरिकांच्या दैनंदिन अडचणींचा प्रत्यक्ष जाणीव झाली असावी. पराग शहा यांचे हे पाऊल राजकीय वर्तुळात चर्चा निर्माण करणारे ठरले आहे. कोट्यवधींचे मालक असतानाही गुरूंच्या आज्ञेला मान देऊन इतका कठीण अनुभव घेणे हे खरच कौतुकास्पद आहे. या प्रयोगाद्वारे ते सामान्य माणसांचे जीवन अधिक जवळून पाहिले आणि त्यांच्या अडचणी जाणून घेतल्या. चित्रपटात शोभावा असा हा प्रसंग आमदार पराग शहा यांनी अनुभवला

घाटकोपरच्या रस्त्यांवर भिकारी म्हणून फिरणारा हा आमदार आज पुन्हा आपल्या नेहमीच्या भूमिकेत परतला असला, तरी त्या एका दिवसाचा अनुभव त्यांच्यासाठी आणि त्यांच्या मतदारांसाठी दीर्घकाळ स्मरणात राहील, असे मत व्यक्त केले जात आहे.