‘सरनाईकांवर कृपादृष्टी, परबांंचं रिसॉर्ट अधिकृत कधी होणार? मग नार्वेकरांवर अन्याय का?’, किरीट सोमय्यांचा घणाघात

मुंबई : भाजपचे नेते आणि माजी खासदार किरीट सोमय्या (Kirit Somaiya) यांनी आमदार प्रताप सरनाईकांवरुन (Pratap Sarnaik) पुन्हा एकदा मुख्यमंत्री उद्धव ठाकरे (Uddhav Thackeray) आणि महाविकास आघाडी सरकारवर (Mahavikas Aghadi) जोरदार निशाणा साधलाय. “ठाण्यातील विहंग गार्डनचे अनधिकृत बांधकाम करणारे, 114 सदनिका धारकांची फसवणूक करणाऱ्या शिवसेना आमदार प्रताप सरनाईक चे गुन्हे माफ करण्याचा ठाकरे सरकारने निर्णय घेतला असेल, परंतु महाराष्ट्राला लुटणाऱ्या ठाकरे सरकारला जनता कदापि माफ करणार नाही”, अशा शब्दात सोमय्या यांनी ठाकरे सरकारवर टीका केलीय.

सोमय्या यांनी एक पत्रक काढून ठाकरे सरकारवर निशाणा साधलाय. “शिवसेनेचे आमदार प्रताप सरनाईक यांनी 2008-2009 मध्ये ठाणे विहंग गार्डन येथील 114 सदनिकाधारकांची फसवणूक केली. 5 मजले अनधिकृत बांधले. 2012 मध्ये प्रताप सरनाईक यांच्यावर कारवाई करण्याचे निर्देश आहे. गेल्या आठवड्यात लोकायुक्तांच्या समोर झालेल्या सुनावणीत ठाकरे सरकारने मान्य केले की प्रताप सरनाईक यांनी अनधिकृत बांधकाम केले आहे. त्यांच्याकडून सगळा दंड आणि व्याज वसूल केले जाणार, त्यांच्यावर कारवाई केली जाणार आणि आज ठाकरे सरकारच्या मंत्रिमंडळाने निर्णय घेतला की प्रताप सरनाईक आमच्या शिवसेनेचा आमदार आहे, म्हणून त्यांची चोरी, गुन्हे माफ. ठाकरे सरकार हे प्रताप सरनाईक यांना माफ करणार. परंतु महाराष्ट्राची जनता या घोटाळेबाज सरकारला कदापी माफ करणार नाही”, अशा शब्दात सोमय्या यांनी शिवसेना आणि ठाकरे सरकारवर टिकास्त्र डागलं.

“ठाणे येथील विहंग गार्डन चे अनधिकृत बांधकाम करणारे, ११४ सदनिका धारकांची फसवणूक करणाऱ्या शिवसेना आमदार प्रताप सरनाईक चे गुन्हे माफ करण्याचा ठाकरे सरकारने निर्णय घेतला असेल, परंतु महाराष्ट्राला लुटणाऱ्या ठाकरे सरकारला जनता कदापि माफ करणार नाही”@BJP4Maharashtra @Dev_Fadnavis pic.twitter.com/4smeE4kJGX

— Kirit Somaiya (@KiritSomaiya) January 12, 2022

‘परबांचा रिसॉर्ट अधिकृत कधी करणार? नार्वेकरांवर अन्याय का?’

त्याचबरोबर सोमय्या यांनी अनिल परब यांच्या रिसॉर्टवरुनही उद्धव ठाकरेंना जोरदार टोला लगावलाय. “मुख्यमंत्री उद्धव ठाकरे यांनी प्रताप सरनाईक चे विहंग गार्डन चे अनधिकृत बांधकाम व 21 कोटींचा दंड माफ केला! आत्ता अनिल परब यांचा रिसॉर्ट केव्हा अधिकृत घोषित करणार? मिलिंद नार्वेकर वर अन्याय का? मिलिंद यांचा बंगलो का अधिकृत घोषित केला नाही?”, असे खोचक सवाल सोमय्या यांनी ट्विटरद्वारे केले आहेत.

मुख्यमंत्री उद्धव ठाकरे यांनी प्रताप सरनाईक चे विहंग गार्डन चे अनधिकृत बांधकाम व ₹२१ कोटींचा दंड माफ केला !!!!

आत्ता

अनिल परब यांचा रिसॉर्ट केव्हा अधिकृत घोषित करणार !!??

मिलिंद नार्वेकर वर अन्याय का!!?? मिलिंद यांचा बंगलो का अधिकृत घोषित केला नाही !!??@BJP4Maharashtra

— Kirit Somaiya (@KiritSomaiya) January 12, 2022

इतर बातम्या : 

मराठी पाट्या! सर्वच दुकानांचे नामफलक मराठीत लावणे बंधनकारक, राज्य मंत्रिमंडळाचा निर्णय

कोरोनामुक्त होताच रोहित पवार कर्जत नगरपंचात निवडणुकीच्या मैदानात, विजयाची रणनितीही सांगितली!