डोकं ठिकाणावर आहे का? पदवीधर मतदारसंघ कुणाच्या बापाचा नाही, प्रशांत बंबांवर आमदार अभिजीत भडकले

औरंगाबाद-नागपूरः जिल्हा परिषद शाळांमधील (ZP teacher) शिक्षकांवर आरोप करणाऱ्या आमदार प्रशांत बंबांनी (Prashant Bamb) आता टोकाचीच मागणी केलीय. राज्य सरकारने पदवीधर शिक्षक मतदार संघातून आमदार निवडून देणंच बंद करावं. जे शिक्षक मतदान करतात, त्यापैकी 80 टक्के लोक खोटे वागतात. फौजदारी कामं करतात. अशा शिक्षकांना सपोर्ट करणारे हे पदवीधरचे आमदार (Maharashtra MLA) असतात असा आरोप आमदार प्रशांत बंब यांनी केलाय. बंब यांच्या या वक्तव्यावरून नागपूर पदवीधर मतदार संघाचे आमदार अभिजीत वंजारी खूपच भडकलेत. याचं डोकं फिरलंय की काय? याने म्हटलं की मतदार संघ रद्द होईल का? हा काय याच्या बापाचा मतदारसंघ आहे का, असा सवाल अभिजीत वंजारी यांनी केलाय. त्यामुळे गेल्या काही दिवसांपासून शिक्षक आणि आमदार प्रशांत बंब यांच्यात सुरु असलेल्या वादात आता आमदारांचीही एंट्री झाली आहे.

प्रशांत बंब काय म्हणाले?

पदवीधर मतदार संघाबाबत बोलताना आमदार प्रशांत बंब म्हणाले, ‘ 100 टक्के आमदार शिकलेले असतात. शिक्षक आणि पदवीधर मतदारसंघातले आमदार, जे शिक्षक खोटे वागतात, खोटे कागदपत्र तयार करतात, फौजदारी स्वरुपाची कामं करतात, अशा शिक्षकांना सपोर्ट करणाऱ्या गोष्टी आमदार करायला लागलेत. या आमदारांच्या पोस्टची आता गरज नाही… जिल्हा परिषदेच्या शिक्षकांविरोधात वारंवार आरोप करणाऱ्या प्रशांत बंब यांनी घेतलेल्या या नव्या भूमिकेमुळे नव्याच वादाला तोंड फुटलंय.

अभिजीत वंजारींचं प्रत्युत्तर

प्रशांत बंब यांच्या भूमिकेवरून नागपूर पदवीधरचे आमदार अभिजीत वंजारींचं सडकून टीका केलीय. ते म्हणाले, ‘ कुणाच्या बापाचा मतदार संघ थोडी आहे… हा काय सात बारा थोडी आहे? कधी कोरा केला, कधीही बोजा चढवला… विधान परिषदेची निर्मिती इंग्रजांच्या काळापासून झालेली आहे. मुंबई प्रोव्हिएन्समध्ये या मतदार संघाची निर्मिती झाली होती…

हे सुद्धा वाचा

Abdul Sattar | मी मुक्काम केला, तिथं रात्री पाणी गळत होतं, माझ्याकडून त्यांना 2 घरं, आजच भूमीपूजन, मेळघाटात अब्दुल सत्तारांची हवाच….

Abdul Sattar | ये ‘मीठा’ है, वो कडू है, अब्दुल सत्तार यांची मेळघाटात मिश्किल टिप्पणी, विरोधकांवर तुफ्फान बरसात

Nashik : प्रशासनाच्या आश्वासनानंतर सिटीलींक बसचालकांचे आंदोलन अखेर मागे; नाशिककरांना मोठा दिलासा

2024 मध्ये यांनाच उचलून फेकतील…

शिक्षकांवर आरोप करणाऱ्या आमदार प्रशांत बंब यांनाच 2024 मध्ये जनता धडा शिकवेल असं वक्तव्य वंजारी यांनी केलं. ते म्हणाले, ‘ शिक्षकांबद्दल त्यांचं वक्तव्य योग्य नाही. शिक्षकांना किती काम करावं लागतं, हे मुळात त्यांना माहीत नाही. शिक्षकांना शासकीय यंत्रणेची काम दिली जातात ते जीवाची पर्वा न करता काम करतात.

यांचा बंब लीक झालाय..

अभिजीत वंजारी पुढे म्हणाले, ‘ त्यांचा बंब लीक झाला आहे .आता शिक्षकांनी 2024 निवडणुकीत याना धडा शिकविला पाहिजे. त्यांचा समाचार घेतला पाहिजे. अशा लोकांना काढून फेकतील.. असं नागपूर पदवीधर मतदारसंघाचे आमदार अभिजित वंजारी यांनी वक्तव्य केलं.