‘टक्केवारी गोळा करण्याशिवाय सातारा विकास आघाडीकडं दुसरं काम नाही’, शिवेंद्रराजे यांचं उदयनराजेंवर पुन्हा टीकास्त्र

सातारा : नगरपालिकेची निवडणूक (Municipal Election) जवळ येताच खासदार उदयनराजे भोसले (Udayan Raje Bhosle) आणि आमदार शिवेंद्र राजे भोसले (Shivendra Raje Bhosle) यांच्यात जोरदार आरोप-प्रत्यारोप पाहायला मिळतात. आमदार शिवेंद्र राजे भोसले आणि खासदार उदयनराजे भोसले एकाच पक्षात असूनही दोघांमधूनही विस्तव जात नाही. संधी मिळताच दोन्ही नेते एकमेकांना टोला लगावल्या शिवाय राहत नाहीत. साताऱ्यातील राजकीय वर्चस्वावरून या दोन्ही नेत्यांमध्ये कायम टशन पहायला मिळत असते. आता पुन्हा हा संघर्ष सातारा पालिकेची निवडणूकीवरून चांगलाच पेटला आहे. तर खासदार उदयनराजे यांची सातारा विकास आघाडी आणि आमदार शिवेंद्रराजे यांची नगर विकास आघाडी यांच्यामध्ये आरोप-प्रत्यारोप सुरू पहायला मिळत आहेत. सध्या खासदार उदयनराजे यांच्या सातारा विकास आघाडीची सत्ता असून आमदार शिवेंद्रराजे यांनी उदयनराजे यांच्यावर टीका केली आहे.

अधिकाऱ्यांना सूचना

दरम्यान आता काहीच महिन्यातरा राज्यातील महानगरपालिका आणि नगरपालिकांच्या निवडणूका लागण्याच्या शक्यता आहे. तर सातारा नगरपालिकेत सध्या सातारा विकास आघाडीची सत्ता आहे. त्यामुळे निधीचा योग्य वापर व्हावा तो वापरा यासाठी खासदार उदयनराजे भोसले यांनी नगरपालिकेत बैठक घेतली. तसेच त्यांनी या बैठकीत त्यांनी अधिकाऱ्यांना विकास कामे तातडीने सुरू करा अशा सूचना केल्या. त्यावर आमदार शिवेंद्रराजे यांनी उदयनराजे यांच्यावर टीका केली. त्यांनी म्हटले आहे की, मुळात हे रस्ते सातारकरांसाठी होतात की ठेकेदारांसाठी.

राज्य सरकार किंवा संबंधित मंत्र्यांकडे तक्रार

तसेच आ. शिवेंद्रराजे यांनी येऊ घातलेल्या निवडणुकीसाठी नगरसेवकांना फंड गोळा करण्यासाठी कामे होतात का असा प्रश्न उपस्थित केला आहे. हद्दवाढीतील भागाच्या विकासासाठी राज्य सरकारकडून मिळालेल्या निधीची पालिकेने उधळपट्टी केल्या याबाबत आम्ही राज्य सरकार किंवा संबंधित मंत्र्यांकडे तक्रार करू असा इशाराही त्यांनी यावेळी दिला. त्यामुळे खासदार उदयनराजे भोसले आणि आमदार शिवेंद्र राजे भोसले यांच्यातील वाद हा आता पेटण्याचे दिसत आहे. तर आमदार शिवेंद्रराजे यांच्या टीकेला खासदार उदयनराजे भोसले कोणते उत्तर देतात याकडेही सातारकरांचे लक्ष लागले आहे.